އިޒްރާއިލްގެ ހައްދުފަހަނަ އެޅި ޔަހޫދީން ޣައްޒާގެ އެތައް ބަޔަކަށް ރޮށި ފޯރުކޮށްދޭ ބޭކަރީތަކަށް އަމާޒުކޮށް ހަމަލާދޭން ފަށައިފިއެވެ.

އެގޮތުން މިހާތަނަށް ޣައްޒާގެ ދެ ބޭކަރީއަކަށް އަމާޒުކޮށް އިޒްރާއިލްގެ ޔަހޫދީން ވަނީ ހަމަލާދީފައެވެ.

ނުސްރަތް ރެފިޔުޖީ ކޭމްޕްގައި ހުންނަ އަލް  ނުސްރަތް ބޭކަރީއަށް އަމާޒުކޮށް ދިން ހަމަލާގެ ސަބަބުން މުޅި ބޭކަރީ އެކުގައި ވަނީ ވެއްޓިފައެވެ. އަދި ޔަޒީގީ ބޭކަރީއަށް ދިން ހަމަލާގައި އެތަންވެސް ވަނީ އެއްކޮށް ހަލާކުވެފައެވެ.

Advertisement

މިދެބޭކަރީއަކީ އެތައްހާސް ބައެއްގެ ބަނޑުހައި ހޫނުކަން ފިލުވައި ދޭ ދެބޭކަރީއެކެވެ. އިޒްރާއިލުން މަސައްކަތް ކުރަމުންދަނީ ޣައްޒާގައި ތިބި މީހުންގެ ބަނޑުހައިހޫނުކަން ފިލުވަދޭނެ ހަމައެކަނި ވަސީލަތްތައްވެސް ހަލާކުކޮށްލުމަށެވެ.

އިޒްރާއިލްގެ ޔަހޫދީންގެ ނުރައްކާތެރި ހަމަލާތަކުގެ ސަބަބުން ޝަހީދުވި މީހުންގެ ޢަދަދު 4000 އެރުމާއި މިހާރުވަނީ ގާތްވެފައެވެ. ޒަޚަމްވީ މީހުންގެ ޢަދަދު 13000 މައްޗަށް ވަނީ ގޮއްސައެވެ.