އިޒްރާއިލުގެ ޔަހޫދީން ފަލަސްޠީންގެ ޣައްޒާ އަށް ދެމުންދާ ހަމަލާތަކުގެ ސަބަބުން ހާލުގައި ޖެހިފައިވާ ފަރާތްތަކަށް ބޭނުންވާ އެހީގެ ސާމާނު މިޞްރު މަގުން ޣައްޒާއަށް ވެއްދުމަށް މިޞްރުގެ ރައީސް ޢަބްދުލް ފައްތާޙް އަލްސީސީ އެއްބަސްވެވަޑައިގެންފިއެވެ.

މިޞްރާއި ޣައްޒާ ގުޅޭ ރަފާހް ބޯޑަރު މެދުވެރިކޮށް ޣައްޒާއަށް އެހީގެ ތަކެތި ވެއްދުމަށް އަލްސީސީ ހުއްދަދީފައިވާ އިރު ރަފާހް ބޯޑަރު ހުރަސްކޮށް ވެއްދުމަށް ހަމަޖެހިފައިވަނީ 20 ޓްރަކްގެ ތަކެއްޗެވެ.

މިތަކެއްޗަކީ އެމެރިކާއިން ފަލަސްޠީނަށް ހަދިޔާ ކުރާ ތަކެއްޗެވެ. އެެމެރިކާއިން ޣައްޒާއަށް އެހީގެ ތަކެތި ފޯރުކޮށްދޭއިރު އެމެރިކާއިން ދަނީ ޣައްޒާއަށް ހަމަލާދިނުމަށް އިޒްރާއިލަށް ނުރައްކާތެރި ހަތިޔާރުތައް ވެސް ދަނީ ފޯރުކޮށްދެމުންނެވެ.

ރަޝިޔާއިން ވެސް ވަނީ ޣައްޒާއަށް 27 ޓަނުގެ އެހީގެ ސާމާނު ފޯރުކޮށްދޭނެ ކަމަށް ބުނެފައެވެ. މީގެ އެއެހީގެ ސާމާނުގެ ތެރޭގައި ބޮޑަށް ހިމެނޭނޭނީ ކާބީތަކެތިކަމަށް ރަޝިޔާއިން ބުނެފައިވެއެވެ.

ޣައްޒާއަށް ދޭ އަސާސީ ޚިދްމަތްތައް ކަނޑާލައިފައިވާއިރު، ޒަޚަމްވެފައިވާ މީހުންނަށް ފަރުވާ ދެމުންދާ ހޮސްޕިތަލްތައްވެސް ހިންގަމުންގެންދަނީ އެތައް ގިނަ ދަތިތަކާއި އެކުއެވެ.

ގިނަ ހޮސްޕިޓަލްތަކުގައި ބޭހާއި ފަރުވާ ދިނުމަށް ބޭނުންވާ ތަކެތި ވެސް ވަނީ ހުސްވެ އެތަކެއްޗަށް ޖެހިފައެވެ.