އިޒްރާއިލްގެ ޔަހޫދީންގެ ހަމަލާތަކުގައި ޒަޚަމްވާ މީހުންގެ ޢަދަދު ގިނަވެ ހޮސްޕިޓަލްތަކުގެ އެނދުތައް ފުރި ހޮސްޕިޓަލްގެ  ބިންމަތީގައި ޒަޚަމްތަކާއި އެކުވާ މީހުންނަށް ފަރުވާ ދެމުންދާކަމަށް ފަލަސްޠީނުގެ ސިއްޚަތާއި ބެހޭ ވުޒާރާއިން ހާމަކޮށްފިއެވެ.

ފަލަސްޠީނުގެ ސިއްޚަތާއި ބެހޭ ވުޒާރާއިން ބުނެފައިވަނީ ޒަޚަމްވެ ފަރުވާ ހޯދަން ޖެހިފައިވާ މީހުންގެ ޢަދަދުތައް ގިނަވެ ހޮސްޕިޓަލްތަކުގެ އެނދުތައް ފުރި، ފަރުވާހޯދަން ގެންނަ މީހުން އަލް ޝިފާ ހޮސްޕިޓަލްގެ ބިންމަތީގައި ބައިތިއްބައިގެން ފަރުވާ ދޭން ޖެހިފައިވާ ކަމަށެވެ.

އަލް ޝިފާ ހޮސްޕިޓަލަކީ ޣައްޒާގެ އެނެމެ ބޮޑު އެއް ހޮސްޕިޓަލެވެ. އެހޮސްޕިޓަލަކީ 700 އެނދުގެ ހޮސްޕިޓަލެކެވެ.

Advertisement

ފަލަސްޠީނުގެ ސިއްޚީ ވުޒާރާއިން އިތުރަށް ބުނެފައިވަނީ ޣައްޒާގެ ތިން ހޮސްޕިޓަލެއް ބޭނުން ނުކުރެވޭވަރަށް އިޒްރާއިލްގެ ހަމަލާތަކުގެ ސަބަބުން ހަލާކުވެފައި ވާ ކަމަށެވެ.

ފަލަސްޠީނަށް މިހާރު އިޒްރާއިލުން ދެމުންދާ ހަމަލާތަކުގެ ސަބަބުން ޝަހީދުވި މީހުންގެ ޢަދަދު ގާތްގަނޑަކަށް 4000 ވަނީ އަރައިފައެވެ. ޒަޚަމްވެފައިވާ މީހުންގެ ޢަދަދު 12000މައްޗަށް ވަނީ އަރައިފައެވެ.