އިއްޔެ ރޭ އިޒްރާއިލްގެ ހައްދުފަހަނަ އެޅި ޔަހޫދީން ޣައްޒާއަށް ދިން ހަމަލާތަކަކީ މިހާތަނަށް ދިން އެންމެ ބާރު ގަދަ ހަމަލާތައްކަމަށް އިންޓަރނޭޝަނަލް އެއިޑް ކެމްޕޭނުން ބުނެފިއެވެ.
އިއްޔެ ރޭ ޣައްޒާއަށް ދިން ހަމަލާތަކުގެ ސަބަބުން ހުރިހާ ވޮލެންޓިއަރުންނަށް ނުގުޅި ވަގުތުތަކެއް ފާއިތުވި ނަމަވެސް މިހާރު އެހުރިހާ ފަރާތްތަކާއި ގުޅިފައިވާ ކަމަށާއި، ހުރިހާ ވޮލެންޓިއަރުންގެ ޙާލުވެސް ރަނގަޅު ކަމަށް އައިއޭސީ އިން ބުނެއެވެ.
ނަމަވެސް އައިއޭސީ އާއި އެކު މަސައްކަތް ކުރައްވާ އެއް އަންހެން ވޮލެންޓިއަރެއްގެ ފިރިމީހާ އާއި ޢާއިލާގެ މެމްބަރުން ވަނީ ޝަހީދުވެފައެވެ.
އަލްޖަޒީރާގައި ބުނެފައިވަނީ އިއްޔެ ރޭ އިޒްރާއިލުން ޣައްޒާގެ ޖަބެއްލާ ރެފިޔުޖީ ކޭމްޕަށާއި އަލް ޤުދުސް ހޮސްޕިޓަލާއި އަލް ޝިފާ ހޮސްޕިޓަލް ކައިރީގެ ސަރަހައްދުތަކަށް ދިން ހަމަލާތަކުގެ ސަބަބުން 100 އެއްހާ މީހުން ޝަހީދު ވެފައިވާނެ ކަމަށެވެ.
އޮކްޓޫބަރު 7 ވަނަ ދުވަހުން ފެށިގެން އިޒްރާއިލުން ޣައްޒާއަށް ދޭން ފެށި ހަމަލާތަކުގެ ސަބަބުން 5087 މީހަކު ޝަހީދު ވެފައިވާއިރު 14000 އަށްވުރެ ގިނަ މީހުނަށް ވަނީ އަނިޔާވެފައެވެ.
Advertisement
This content is created and paid for by advertisers and does not involve Voice Journalists
