ޙާލުދެރަ 100 ކުއްޖަކު އިންކިބިޔުޓަރުގައި ފަރުވާ ހޯދަމުންދާ ޣައްޒާގެ އިންދޮނީސީ ހޮސްޕިޓަލުން ތެޔޮ ހުސްވެ ކަރަންޓު ކެނޑިއްޖެއެވެ.

ޤުދްސް ނެޓްވޯކުން ބުނެފައިވަނީ އިންދޮނީސީ ހޮސްޕިޓަލަށް ކަރަންޓު ދިނުމަށް ބޭނުންކުރާ ޖަނެރޭޓަރަށް އަޅާ ތެޔޮ ހުސްވުމުން އެހޮސްޕިޓަލުން ކަރަންޓު އެއްކޮށް ކެނޑިފައިވާ ކަމަށެވެ.

އިންދޮނީސީ ހޮސްޕިޓަލްގައި ހާލުދެރަ 100 ތުއްތު ކުއްޖަކަށް އިންކިބިޔުޓާރގައި ފަރުވާދެމުން ދާ ކަމަށެވެ. އަދި މިކަމުގެ ސަބަބުން ކުރިއަށް އޮތް ވަގުތުތަކަކީ ވަރަށް ދަތި އުނދަގޫ ވަގުތު ތަކަކަށް ވެގެން ދާނެ ކަމަށްވެސް ޤުދުސް ނެޓްވޯކްގައި ބުނެފައިވެއެވެ. 

މިޞްރު މަގުން ރަފާހް ބޯޑަރު ހުރަސްކޮށް 20 ޓްރަކްގެ އެހީގެ ސާމާނު ވައްދަން އިޒްރާއިލުން ހުއްދަ ދިން ނަމަވެސް ތެޔޮ ވެއްދުން ވަނީ މަނާކޮށްފައެވެ.

ޣައްޒާއަށް ދޫކުރާ ކަރަންޓާއި ތެޔޮ އަދި ފެން ފަދަ އަސާސީ ޚިދްމަތްތައް އިޒްރާއިލްގެ ޔަހޫދީން ހުއްޓާލައިފައިވާއިރު، އެހީ ފޯރުކޮށްދޭން ބޭނުންވާ ފަރާތްތަކަށް އެފުރުސަތު ދިނުމަށް އިޒްރާއިލުން އަންނަނީ ދެކޮޅު ހަދަމުންނެވެ.

ހޮސްޕިޓަލްތަކުން ކަރަންޓަށް ބޭނުންވެފައިވާއިރު އިޒްރާއިލްގެ ޔަހޫދީންގެ ހަމަލާތަކުގައު ޒަޚަމްވި އެތައް ބަޔަކު އަންނަނީ ހިޮސްޕިޓަލްތަކުން ފަރުވާ ހޯދަމުންނެވެ.

އަލް އަޙްލީ ހޮސްޕިޓަލަށް ދިން ހަމަލާއަށް ފަހުވެސް އިޒްރާއިލުން ވަނީ ޣައްޒާގެ ހޮސްޕިޓަލް ތައް ކައިރިއަށް ހަމަލާތައް ދީފައެވެ.