އިޒްރާއިލުން ފަލަސްޠީނަށް އަމާޒުކޮށް ހުއްޓުމެއް ނެތި ދެމުންދާ ހަމަލާތަކުގެ ސިލްސިލާގެ ތެރެއިން ޣައްޒާގެ އެންމެ ބިޒީ މޯލް ހުރި ސަރަހައްދަށް އަމާޒުކޮށް ހަމަލާދީފިއެވެ.
އަލްޖަޒީރާގައި ބުނެފައިވަނީ ފާއިތުވި 2 ގަޑިއިރުތެރޭގައި އިޒްރާއިލުން ހުއްޓުމެއް ނެތި ނުރައްކާތެރި ހަމަަލާތަކެއް ދެމުން އަންނަ ކަމަށެވެ.
އެގޮތުން ޣައްޒާގެ އެންމެ ބިޒީ މޯލްއަށް އަމާޒުކޮށް ހަމަލާ ދިން ވަގުތަކީ އެތަނަށް އެންމެ ގިނަ މީހުން ވިޔަފާރި ކުރުމަށް ޖަމާވާ ވަގުތު ކަމަށް އަލްޖަޒީރާ ގައި ބުނެފައިވެއެވެ.
ދެ ގަޑިއިރުވަންދެން ހުއްޓުމެއްނެތި ވައިގެ މަގުން ދެމުންދިޔަ ހަަމަލާ ތަކުގެ ސަބަބުން ގިނަ ބަޔަކު ޝަހީދުވެ ގިނަ ޢަދަދެއްގެ ބަޔަކު ޒަޚަމްވެފައިވާ ކަމަށްެވެސް އަލްޖަޒީރާގައި ބުނެފައިވެއެވެ.
މީގެ ކުޑަވަގުތު ކޮޅެެއް ކުޅިން ޚާން ޔޫނިސްގައި ހުންނަ އަލް ނެއްސިރް ހޮސްޕިޓަލް ކައިރިއަށް ހަމަލާދީފައިވެއެވެ.
އޮކްޓޫބަރ 7 ގައި އިޒްރާއިލުން ދޭން ފެށި ހަމަލާތަކުގެ ސަބަބުން މިހާތަނަށް 5000އަށް ވުރެ ގިނަ މީހުން ޝަހީދު ވެފައިވާ ކަމަށާއި 15000 ގާތް ކުރާ މިންވަރަށް މީހުން ވަނީ ޒަޚަމްވެފައެވެ.
އަދި ވެއްޓިފައިިވާ ޢިމާރާތްތަކުގެ ދަށުގައި ގެއްލިފައި ނުވަތަ ވީނުވީއެއް ނޭނގިފައިވާ މީހުންގެ ޢަދަދު 1400 އަށް އަރައިފައިވާ ކަމަށް ވޮއިސް ގެ މުރާސިލް ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
