އިޒްރާއިލުން ފަލަސްޠީނަށް މިފަހުން ދޭން ފެށި ހަމަލާތައް ދޭން ފެށިފަހުން، މިހާތަނަށް 12000 ޓަނުގެ ގޮވާތަކެތިން ފަަލަސްޠީނަށް ހަމަލާދީފައިވާ ކަމަށް ފަަލަސްޠީނުގެ އިންފޮމޭޝަން އޮފީހުން ބުނެފިއެވެ.
ޤުދުސް ނެޓްވޯކުން ބުނެފައިވަނީ ފަލަސްޠީނު އިންފޮމޭޝަން އޮފީހުން ހާމަ ކޮށްފައިވާ ޢަދަދަށް އިޒްރާއިލުން ފަލަސްޠީނަށް ގޮވާތަކެތިން ދީފައިވާ ހަމަލާތައް ހީރޯޝީމާއަށް އެޅި ގޮވާ ތަކެއްޗާއި އެއްވަރު ކުރާ މިންވަރެއް ކަމަށެވެ.
7 އޮކްޓޫބަރުން ފެށިގެން އިޒްރާއިލުން ފަލަސްޠީނުގެ ރައްޔިތުންނަށް ހަމަލާތައް ދެމުން އަންނައިރު ރޭވެސް ފަލަސްޠީނުގެ ޚާންޔޫނިސް ގައި ހުންނަ މީހުން ދިރިއުޅޭ ބައިވަރު ޢިމާރާތްތައް ހުރި ސަރަހައްދަކަށް ދިން ރޮކެޓް ހަމަލާއެއްގައި މުޅި އެސަރަހައްދު ވަނީ އެއެްކޮށް ބިމާއި ހަމަވެފައެވެ.
އެހަމަލާގެ ސަބަބުން އެތައް ބަޔަކު ޝަހީދުވެ، ގިނަ ޢަދަދެއްގެ ބަޔަކު ވަނީ ޒަޚަމްވެފައެވެ.
“އެމީހުން, މީހުން ދިރިއުޅޭ ޢިމާރާތްތަކަށް އެތަކެއް ބޮންތަކެއް އަޅަމުން އެދަނީ، އެއީ ޢާންމުން ދިރިއުޅޭ ތަންތަން ކުޑަކުދިންނާއި އަންހެނުން ދިރިއުޅޭ ތަންތަން، އަހަރެމެންނަށް ވީ ވަރަކުން މީހުން ސަލާމަތް ކޮށްފަ ވާނީ، އަދިވެސް އެތަނުގެ ތެރެއިން ކުޑަކުދިން އެހީއަށް އެދި ގޮވަމުން ދަނީ” ރޭ އިޒްރާއިލުން ހަމަލާދިން ޚާން ޔޫނިސްގެ ޢިމާރާތްތަކުން ޢިމާރާތެއްގައި އުޅޭ މީހަކު ބުނެފައިވެއެވެ.
މީޑިއާ ތަކުގެ ކުރިމަތީގައި ވާހަކަ ދައްކަން ހުއްޓައި އޭނާ ވަނީ ހޭނެތިގެން ވެއްޓިފައެވެ.
Advertisement
This content is created and paid for by advertisers and does not involve Voice Journalists
