“ފަލަސްޠީނުގެ ވާހަކަ” މިނަމުގައި ޖަމިއްޔަތުއް ސަލަފުން ޚާއްސަ ފޯރަމެއް ބޭއްވުމަށް ނިންމައިފިއެވެ.

ފަލަސްޠީނުގައި މިހާރު ހިނގަމުންދާ ކަންކަމައި ގުޅުވައި ގެން އެތައް ބަޔަކު އެކި ހަރަކާތް ތައް ކުރިއަށް ގެންދާއިރު ޖަމިއްޔަތުއް ސަލަފުން ބާއްވާ މަޢުލޫމާތު ދިނުމުގެ މި ފޯރަމް ބޭއްވުމަށް ހަމަޖެހިފައިވަނީ 27 އޮކްޓޫބަރު 2023 ވާ ހުކުރު ދުވަހުގެ ރޭ 21:00 ގައެވެ.

ފޯރަމް ބޭއްވުމަށް ހަމަޖެހިފައިވަނީ ހެންވޭރު އާޓިފިޝަލް ބީޗުގައެެވެ.

ފޯރަމްގައި މަޢުލޫމާތު ދެއްވާނީ އައްޝައިޚް އަޙްމަދު ސަމީރާއި އައްޝައިޚް މުޖްތަބާ ޙަމީދެވެ.

ހުކުުރު ދުވަހުގެރޭ ސަލަފްގެ ފޯރަމް އޮންނައިރު 26 އޮކްޓޫބަރު 2023 ވާ ބުރާސްފަތި ދުވަހުގެ ރޭ ހުޅުމާލެ ފޭސް 2ގެ ހިޔާ ޕާކުގައިވެސް ފޯރަމެއް ބޭްވުމަށް ވަނީ ހަމަޖެހިފައެވެ.

މިފޯރަމް ގައި ވާހަކަ ދައްކަވާނީ ޑރ މުޙައްމަދު ޝަހީމް ޢަލީ ސަޢީދާއި، އައްޝައިޚް މުޙައްމަދު ނަޝީދު އާދަމް އާއި އައްޝައިޚް އިމްތިތާއު ޢައްބާސް އެވެ.

މަޢުލޫމާތު ދިނުމުގެ މިފަދަ ސެޝަންތައް ދީނީ އިލްމުވެރިން ކުރިއަށް ގެންދަވާއިރު، ރާއްޖޭގެ އެކި އެކި އަމިއްލަ ފަރާތްތަކުން ދަނީ ފަލަސްޠީނަށް އެހީ ދިނުމަށް ފައިސާ ހޯދުމުގެ މަސައްކަތް ތައް ކުރަމުންނެވެ.

އަދި ހަަމައެއާއިއެކު ދިވެހިން ތިބީ ފަލަސްޠީނާއި އެކު ކަން ދައްކުވައި ދިނުމަށް އެއްވުންތަކާއި ހިނގާލުންތައް ވެސް ދަނީ ބާއްވަމުންނެވެ.

އޮކްޓޫބަރު 7 ވަނަ ދުވަހުން ފެށިގެން އިޒްރާއިލުން ފަލަސްޠީނަށް ދެމުންދާ ހަމަލާތަކުގެ ސަބަބުން ޝަހީދުވި މީހުންގެ ޢަދަދު 5000 މައްޗަށް ވަނީ އަރައިގެން ގޮސްފައެވެ.