ފާއިތުވި ތިން ހަފްތާގެ ތެރޭގައި 3000 ކުޑަ ކުއްޖަކު ޝަހީދުވެފައިވާ ކަަމަށް ފަލަސްޠީނުގެ ހެލްތް މިނިސްޓްރީ އަށް ހަވާލާދީ ޤުދްސް ނިއުސް ނެޓްވޯކުން ބުނެފިއެވެ.
ފަލަސްޠީނުގެ ހެލްތް މިނިސްޓްރީ އާއި ހަވާލާދީ ޤުދްސް ނެޓްވޯކުން ބުނެފައިވަނީ އޮކްޓޫބަރު މަހުގެ 7ވަނަ ދުވަހު އިޒްރާއިލުން ފަލަސްޠީނަށް ދޭން ފެށި ހަމަލާތަކުގެ ސަބަބުން 3000 ކުޑަ ކުދިން ވަނީ ޝަހީދުވެފައިވާ ކަމަށެވެ.
މިއީ ރަޝިޔާއިން ޔޫކްރެއިނަށް ދިން ހަމަލާތަކުގެ ސަބަބުން އެއް އަހަރުތެރޭގައި މަރުވި ކުޑަކުދިންގެ ޢަދަދުގެ ދެބައިކުޅަ އެއްބައެވެ.
އިޒްރާއިލްގެ ހަމަލާތަކުގެ ސަބަބުން ފާއިތުވި 24 ގަޑިއިރުތެރޭގައިވެސް 344 ކުޑަ ކުއްޖަކު ވަނީ ޝަހީދުވެފައެވެ.
އިޒްރާއިލްގެ ހަމަލާތަކުގެ ސަބަބުން ފަަލަސްޠީނުގެ މިހާ ގިނަ ކުޑަކުދިން ޝަހީދު ވަމުން ދާއިރުވެސް ހުޅަނގުގެ ޤައުމުތަކުގެ ވެރިން މަސައްކަތް ކުރަމުންދަނީ އަނިޔާ ލިބިފައިވާ ބަޔަކީ އިޒްރާއިލްގެ ޔަހޫދީންކަން ސާބިތު ކުރުމަށް މަސައްކަތް ކުރަމުންނެވެ.
އދ ގެ ޖެނެރަލް ސެކިޔުރިޓީ ކައުންސިލްގައި ވާހަކަ ދައްކަމުން އިޒްރާއިލުން ބުނެފައިވަނީ އެބައިމީހުން ފަލަސްޠީނުގެ ގެތަކަށާއި ހޮސްޕިޓަލް ތަކަށާއި ބޮން އަޅައި ގިނަ ޢަދަދެއްގެ ބަޔަކު ޝަހީދު ކުރަމުންދަނީ ފަލަސްޠީނުގެ ރައްޔިތުން އެބައިމީހުންނަށް ގަލުން ހަމަލާދޭތީ ކަމަށެވެ.
Advertisement
This content is created and paid for by advertisers and does not involve Voice Journalists
