ފަލަސްޠީނުގެ ޚާން ޔޫނިސްގެ އަލް ދަަހްރާ ނެއިބަރހުޑަށް އިޒްރާއިލުން ދިން ހަމަލާގައި ޢިމާރާތް ބިމާއި ހަމަވެއްޖެއެވެ.
މިހަމަލާގެ ސަބަބުން ހަމީހަކު ޝަހީދުވެ ގިނަ ބަޔަކަށް އަނިޔާވެފައިވާ ކަމަށް ފަލަސްޠީނުގެ އިންޓީރިއާ މިނިސްޓްރީ އާއި ހަވާލާދީ ޤުދްސް ނިއުސް ނެޓްވޯކުން ބުނެފައިވެއެވެ.
އަލްޖަޒީރާގައި ބުނެފައިވަނީ ހަމަލާ އަމާޒުވި ސަރަހައްދުން ލިބިފައިވާ ފުޓޭޖް ތަކުން ޢާންމުންނާއި އެމަޖެންސީގައި މަސައްކަތްކުރާ މެޑިކަލް އޮފިސަރުން މީހުންގެ ފުރާނަ ސަލާމަތްކުރުމަށް މަސައްކަތް ކުރާ ތަން ފެންނަ ކަމަށާއި، ހަލާކުވެފައިވާ ޢިމާރާތުގެ ގާތައް ފުރޮޅައި ޢިމާރާތުގެ ދަށުން މީހުން ހޯދުމަށް މަސައްކަތް ކުރާމަންޒަރު ފެންނަ ކަމަށެވެ.
އަލްޖަޒީރާގައި ބުނެފައިވަނީ އަނިޔާވި މީހުންގެ ޢަދަދުވެސް ޝަހީދުވި މީހުންގެ ޢަދަދުވެސް އަދި ޔަޤީން ނުވާ ކަމަށެވެ.
އަދި ގެދޮރުގެއްލިފައިވާ މީހުން ދިރިއުޅެމުންދާ ވަގުތީ ހިޔަލަކަށް އަމާޒުކޮށްދިން ހަމަލާއެއްގައި ދެމީހަކު ޝަހީދުވެ ބަޔަކު ޒަޚަމްވެފައިވެއެވެ.
އޮކްޓޫބަރ 7ގައި އިޒްރާއިލުން ދޭން ފެށި ހަމަލާތަކުގެ ސަބަބުން ޝަހީދުވި މީހުންގެ ޢަދަދު 6000 މައްޗަށް ވަނީ އަރައިފައެވެ. އެއީ ޣައްޒާ އިން ޝަހީދުވި 6546 މީހުންނާއި ހުޅަނގު އައްސޭރީގައި އިޒްރާއިލުން ހިންގަމުންދާ ޖަރީމާތަކުގައި ޝަހީދުވި 103 މީހުންނެވެ.
މީގެ އިތުރުން ޣަައްޒާއިން ޒަޚަމްވި މީހުންގެ ޢަދަދު 17439 އަށް ވަނީ އަރައިފައެވެ. ހުޅަނގު އައްސޭރިން ޒަޚަމްވި މީހުންގެ ޢަދަދު ވަނީ 1836 އަކަށް އަރައިފައެވެ.
Advertisement
This content is created and paid for by advertisers and does not involve Voice Journalists
