އިޒްރާއިލުން ޣައްޒާގައި ހިންގަމުންދަނީ ހަނގުރާމައެއް ނޫން ކަމަށާއި، ޤަތުލުޢާންމެއް ކަމަށް ބްރެޒިލްގެ ރައީސް ލުލާ ދެ ސިލްވާ ވިދާޅުވެއްޖެއެވެ.

ލުލާ ދެސިލްވާ ވިދާޅުވީ އިޒްރާއިލުން ޣައްޒާގައި ހިންގަމުންދަނީ ހަނގުރާމައެއް ނޫން ކަމަށާއި، އެކަމެއްގެ ސަބަބުން ކުށެއް ނެތް އެތައް ބަޔަކު ޝަހީދުވަމުންދާ ޤަތުލުއާންމެއް ކަމަށެވެ.

“މިހާރު މެދުއިރުމަތީގައި ހިނގަމުންދާ ކަންކަމަކީ ވަރަށް ޚައްސާސް ކަމެއް، މީގައި މިހާރު އޮތީ ސަބަބު ދެނެގަތުމެއް ނުވަތަ ގޯހީ ކޮންބައެއްތޯ ބެލުމެއް ނޫން، މިހާރު އޮތް މައްސަލައަކީ ހިނގަމުންދަނީ ހަނގުރާމައެއްނޫން ކަން، އެއީ ހަނގުރާމަޔާއި ބެހުމެއް ނެތް 2000 ކުޑަ ކުއްޖަކު ޝަހީދުވެގެން ގޮސްފައިވާ ޤަތުލުޢާންމެއް” ލުލާ ދެ ސިލްވާ ވިދާޅުވެފައިވެއެވެ.

Advertisement

ބްރެޒިލް އިން ތާއީދު ކޮށްފައިވަނީ ހަނގުރާމައިގެ ރަހީނުކޮށްފައިވާ މީހުން ދޫކޮށްލައި ޣައްޒާއަށް ބޭނުންވާ އިންސާނީ އެހީ ފޯރުކޮށްދޭނެ މަގުތައް ހުޅުވާލުމަށެވެ.

ބްރެޒިލްގެ ރައީސް ބްރެޒިލްގެ ފެޑަރޭޝަން ކައުންސިލްގެ އިންސްޓޮލޭޝަންގެ ހަފްލަގައި ބައިވެރިވެ ދެއްކެވި ވާހަކަފުޅުގައި ފަަލަސްޠީނުގެ ޣައްޒަާގެ ބިމުގައި ތާށިވެފައި ތިބި 30 ހަކަށް ބްރެޒިލްގެ ރައްޔިތުން ރައްކާތެރި ކަމާއި އެކު އެތަނުްނ ބޭރުކުރުމަށް މަސައްކަތް ކުރަމުންދާކަމަށް ވެސް ވަނީ ވިދާޅުވެފައެވެ. 

އިޒްރާއިލުން ދެމުންދާ ހަމަލާތަކުގެ ސަބަބުން ޝަހީދު ވެފައިވާ މީހުންގެ ޢަދަދު 6500 އިން މައްޗަށް ވަނީ އަރައިގެން ގޮސްފައެވެ.