ދިވެހިންގެ ލޯތްބާއި އެކު 2021 ވަނަ އަހަރު ޣައްޒާއަށް ހަދިޔާ ކުރި އެމްބިޔުލާންސް މިއަދުވެސް ޣައްޒާގެ ރައްޔިތުންގެ ޚިދްމަތަށް ބޭނުން ކުރެެވެމުން ދާ ކަމަށް އައިއޭސީ އިން ބުނެފިއެވެ.
އައިއޭސީ އިން ބުނެފައިވަނީ މިއަދުވެސް اللهގެ އިރާދަފުޅާއިއެކު އެ ދެ އެމްބިޔުލާންސް ޣައްޒާގެ ތެރޭގައި ހަރަކާތްތެރި ވަމުން އެބަދާކަމަށެވެ.
“ޣައްޒާގެ ރައްޔިތުން މިއަދު އެންމެ ބިކަ ހާލުގަ ޖެހެމުންދާ ވަގުތު, ދިވެހިންގެ އެފަދަ އެހީއެއް އެގޮތަށް ހަރަކާތްތެރި ވުމަކީ ހިތަށް ކޮންމެސް ވަރެއްގެ ހިތްހަމަ ޖެހުމެއް ލިބޭ ކަމެއް” އަ
އިއޭސީއިން ބުނެފައިވެއެވެ.
އިޒްރާއިލުން މެދުކެނޑުމެއް ނެތި ޣައްޒާއަށް ވަރުގަދަ ހަމަލާތައް ދެމުން އަންނައިރު އައިއޭސީގެ ވޮލެންޓިއަރުން ދަނީ ހިތްވަރާއި އެކު ފުރާނަ އަތްމައްޗަށް ލައިގެން ޣައްޒާގެ ރައްޔިތުންނަށް އެހީ ފޯރުކޮށްދިނުމަށް މަސައްކަތް ކުރަމުންނެވެ.
އައިއޭސީ އަކީ ދުނިޔޭގެ އެކި ކަންކޮޅުތަކުގައި ގުދުރަތީ ކާރިސާތަކުގެ ސަބަބުން ނުވަތަ ހަނގުރާމަ ނުވަތަ އެހެންވެސް ސަބަބުތަކާއި ގުޅިގެން ޙާލުގައި ޖެހޭ ނުވަތަ އެހީތެރިކަމަށް ބޭނުންވާ ފަރާތްތަކަށް ދިވެހިންގެ ދީލަތި އެހީ ފޯރުކޮށްދިނުމަށް މަސައްކަތް ކުރާ ދިވެހިންގެ ޒުވާން ވަރުގަދަ ޓީމެކެވެ.
އައިއޭސީ އުފެދިގައިވަނީ އެހީ ޖަމިއްޔާ އާއި ރާއްޖޭގެ އިތުރު 120 ޖަމިއްޔާ ޖަމާޢަތަކާއި ގުޅިގެނެވެ.
އައިއޭސީ އިން ވަނީ އެކިއެކި ސަބަބު ތަކާއި ހުރެ ޙާލުގައި ޖެހި އެހީ އަށް ބޭނުންވެފައި ތިބި އެތައް ބަޔަކަށް ކާމިޔާބު ކަމާއި އެކި ދިވެހިންގެ ދީލަތި އެހީ ފޯރުކޮށްދީފައެވެ. ބަޔަކު އެކަން ކަން އޮޅުވައިލައި ދޮގު ވާހަކަ ތަކެއް ފަތުރަމުން ދިޔަ ނަމަވެސް އައިއޭސީ އިން ވަނީ ދިވެހިންގެ އިތުބާރު ހޯދައިފައެެވެ.
ރޭ އިޒްރާއިލުން ޣައްޒާއަށް ދިން ވަރުގަދަ ހަމަލާތަކުގެ ސަބަބުން ޣައްޒާގެ މުވާސަލާތީ ގުޅުން މުޅިން ހެން ކެނޑުމާއި އެކު އައިއޭސީގެ މަސައްކަތުގައި އުޅޭ ވޮލެންޓިއަރުންނާއި ގުޅުން ކެނޑިފައިވާ ކަމަށް އައިއޭސީ އިން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
