ފަލަސްޠީނަށް އިޒްރާއިލުން މެދުކެނޑުމެއް ނެތި ދެމުންދާ ހަމަލާތަކިގައި ޝަހީދުކޮށްލި މީހުންގެ ޢަދަދު 7326 އަށް އަރައިފިއެވެ.

“ވޮއިސް”އަށް އެންމެ ފަހުން ލިބުނު އަދާހަމަތަކުން ދައްކާގޮތުން ޝަހީދުންގެ ޢަދަދު މިހާރު ވަނީ 7326 އަށް އަރައިފައެވެ.

އޭގެ ތެރެއިން 3038 ޝަހީދުންނަކީ ކުޑަކުދިންނެވެ. އަދި 1792 އަންހެނަކުވެސް ޝަހީދުންގެ ތެރޭގައި ވެސް ހިމެނެއެވެ.

Advertisement

އިޒްރާއިލުން ދެމުންދާ ހަމަލާތަކުގައި 18967 މީހަކު ވަނީ ޒަޚަމްވެފައެވެ.

މީގެ އިތުރުން ވެއްޓިފައިވާ ޢިމާރާތްތަކިގެ ދަށުގައި 2000 މީހުން ވަނީ ވީނުވީއެއް ނޭގިފައެވެ. އޭގެ ތެރެެއިން 1000 ޚިއްސާ ކުރަނީ ކުޑަކުދިންނެވެ.

ރޭގެ ހަމަލާތަކަށްފަހު އަލްޖަޒީރާގެ ނޫސްވެރިޔަކު ބުނެފައިވަނީ ރެޔަކީ ޣައްޒާގެ ޙާލަތު އެންމެ ގޯސްކޮށް ދިޔަ ރޭ ކަމަށް ބުނެފައެވެ.

ރޭގެ ހަމަލާތަކިގައި އެތައް ބަޔަކު ޝަހީދުވެ އެތައް ބަޔަކު ޒަޚަމްވެފައިވާއިރު ޢަދަދުތައް ޔަޤީންކޮށް ބުނާކަށް އެއްވެސް ފަރާތަކަށް އެނގިފައެއް ނުވެއެވެ. އަދި ޒަޚަމްވީ މީހުންނަށް ފަރުވާ ދިނުމަށް ދާނެ ވަކި ދިމާއެއް ޕެރަމެޑިކްސްއަށްވެސް ވަނީ ނޭގިފައެވެ.

ރޭެގެ ހަމަލާތަކިގައި މީހުން ދިރިއުޅޭ 100 ޢިމާރާތެއް ބިމާއި ހަމަވެފައިވާ ކަމަށް ރިޕޯޓްތަކުން ވަނީ ބުނެފައެވެ.