ފަލަސްޠީނަށް މެދުކެނޑުމެއް ނެތި ހަމަލާ ދެމުންދާއިރު ބައިނަލް އަޤްވާމީ މުޖްތަމަޢު ކޮބައިތޯ ރާއްޖޭގެ ކުރީގެ ރައީސް އަލްއުސްތާޒް މައުމޫން ޢަބްދުލް ޤައްޔޫމް ވިދާޅުވެއްޖެއެވެ.
ރައީސް މައުމޫން މިހެން ވިދާޅުވެފައިވަނީ އެމަނިކުފާނު ކުރައްވައިފައިވާ ޓްވީޓެއްގައެވެ.
ރައީސް މައުމޫން ވިދާޅުވީ ރެޔާއި ދުވާލު މެދު ނުކެނޑި އިޒްރޭލުން ޣައްޒާއަށް އެދަނީ ބޮން އަޅައި ތަފާތު ޙަމަލަތައް ދެމުން ކަމަށެވެ.
“ކުށެއްނެތް އެތައް ސަތޭކަ ފަލަސްޠީނުގެ ރައްޔިތުން ކޮންމެ ދުވަހަކު ޝަހީދުވަމުން އެދަނީ، ތިޔަ ވިދާޅުވާ ބައިނަލް އަޤްވާމީ މުޖުތަމަޢު ކޮބައިތޯ” ރައީސް މައުމޫން ވިދާޅުވެފައިވެއެވެ.
މި އޮކްޓޫބަރު މަހުގެ 7ވަނަ ދުވަހުން ފެށިގެން އިޒްރާއިލުން ދަނީ ޣައްޒާއަށް ހަމަލާދެމުންނެވެ. މިހަމަލާ ތަކުގެ ސަބަބުން ޝަހީދުވީ މީހުންގެ ޢަދަދު 7326 އަށް ވަނީ އަރައިފައެވެ.
އޭގެ ތެރޭގައި 3038 ޝަހީދުންނަކީ ކުޑަކުދިންނެވެ. އަދި 1792 އަންހެނަކުވެސް ޝަހީދުންގެ ތެރޭގައި ވެސް ހިމެނެއެވެ.
އިޒްރާއިލުން ދެމުންދާ ހަމަލާތަކުގައި 18967 މީހަކު ވަނީ ޒަޚަމްވެފައެވެ.
ރޭ އިޒްރާއިލުން ވަނީ ޣައްޒާއަށް ވަރަށް ބާރުގަދަ ނުރައްކާތެރި ހަމަލާތަކެއް ދީފައެވެ.
Advertisement
This content is created and paid for by advertisers and does not involve Voice Journalists
