އިޒްރާއިލްގެ ބާރުގަދަ ހަމަލާތަކާއި ގުޅިގެން ޣައްޒާގެ މުވާސަލާތީ ގުޅުންތައް ކެނޑުމަށް އަލުން މުވާސަލާތީ ޚިދުމަތްތައް ދަނީ ލިބެމުން ކަމަށް އަލްޖަޒީރާ އިން ރިޕޯޓް ކޮށްފިއެވެ.

އަލްޖަޒީރާގައި ބުނެފައިވަނީ ލޭންޑް ލައިން ފޯން ތަކާއި މޮބައިލް ތަކާއި އިންޓަރނެޓް ކަނެކްޝަންތައް މަޑުމަޑުން ލިބެމުންދާ ކަމަށެވެ.

މަޑުމަޑުން ލިބެމުންދާ މުވާސަލާތީ ގުޅުންތަކާއި އެކު ޣައްޒަގެ ރައްޔިތުން ދަނީ ޣައްޒާއިން ބޭރުގަޔާއި ޣައްޒާގެ އެހެން ތަންތަގައި ތިބި އާއިލާގެ މެމްބަރުންނަށް ގުޅުމުގެ މަސައްކަތް ދަނީ ކުރަމުންނެވެ.

Advertisement

ޣައްޒާއަށް މުވާސަލާތީ ގުޅުން ކެނޑިފައި އޮތް ވަގުތުވެސް އިޒްރާއިލުން ދިޔައީ ހަމަލާތައް ދެމުންނެވެ.

އިޒްރާއިލްގެ ބޮޑުވަޒީރު ބެންޖަމިން ނަތަންޔާހޫ ބުނެފައިވާނީ ހަނގުރާމައިގެ ދެވަނަ ފިޔަވައްސަަށް މިހާރު އިޒްރާއިލުން ވަދެފައިވާ ކަމަށެވެ. ތަޖްރިބާ ކާރުން ބުނެފައިވަނީ ނަތަންޔާހޫގެ އެބަހުން ދޭހަވަނީ ހަނގުރާމަ ވަރުގަދަކޮށް ހަމަލާތައް ވަރުގަދަވެ ނުރައްކާތެރި ވާނެ ކަންކަމަށެވެ.

އިޒްރާއިލް ހަމަލާތަކުގައި ޝަހީދުވި މީހުންގެ ޢަދަދު 7000 މައްޗަށް ވަނީ އަރައިގެން ގޮއްސައެވެ. އޭެގެ ތެރޭގައި ބޮޑުބައެއް ހިއްސާ ކުރަނީ މައުސޫމް ކުޑަކުދިންނެވެ.