ޔަހޫދީން ފަލަސްޠީނުގެ ހުޅަނގުއައްސޭރީ ގައި އޮންނަ ޖެނީންއަށް ވަދެ ބޮޑެތި ގެއްލުންތަކެއް ދީފި
އިޒްރާއިލްގެ ޔަހޫދީން ފަލަސްޠީނުގެ ހުޅަނގުއައްސޭރީ ގައި އޮންނަ ޖެނީންއަށް ވަދެ ބޮޑެތި ގެއްލުންތަކެއް ދީފިއެވެ.
އިޒްރާއިލް ސިފައިން ޖެނީންއަށް ވަދެގަނެ ޖެނީން ރެފިޔުޖީ ކޭމްޕަށް ވަނީ ބޮޑެތި ގެއްލުންތަކެއް ދީފައެވެ.
ޖެނީންއަށް ވަދެ އިޒްރާއިލުން އިޒްރާއިލް ސިފައިންހިންގި ޖަރީމާތަކުގައި ޖެނީންގެ ހަތަރު މީހަކު ވަނީ ޝަހީދުވެފައެވެ.
އިޒްރާއިލް ސިފައިންވަނީ ޖެނީންގައި ހުންނަ ގަވަރމެންޓް ހޮސްޕިޓަލް ސަރަހައްދުގައި ބުލްޑޯޒަރާއި އެކު ހަރަކާތްތެރިވެފައެވެ. އިޒްރާއިލް ސިފައިން މިލިޓަރީ ރެއިޑްގެ ނަމުގައި ޖެނީން އަށް ވަދެ ގަނެ 6 ގަޑިއިރުވަންދެން ވަނީ ޖެނީންގެ ތެރޭގައި ހަރަކާތްތެރިވެފައެވެ.
މީގެ އިތުރުން އިޒްރާއިލް ސިފައިން ވަނީ ސިލްވާދް އަވަށަށް ވަދެގަނެފައެވެ. ސިލްވާދް އަށް ވަދެގަތުމާއި އެކު އެއަވަށުގެ އާންމުންނާއި އިޒްރާއިލް ސިފައިންނާއި ދެމެދުވަނީ ކުރިމަތިލުންތަކެއް ހިނގައިފައެވެ.
ފަލަސްޠީނުގެ ޣައްޒާގައި އިޒްރާއިލުން ބޮޑު ޤަތުލުޢާންމު ތަކެއް ހިންގަމުންދާއިރު، ހުޅަނގު އައްސޭރީގައި ވެސް އިޒްރާއިލް ސިފައިން ދަނީ ޢާންމުންނަށް ހަމަލާތައް ދެމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
