އިޒްރާއިލްގެ ސިފައިން ޓޭންކަރުތަކާއި އެކު ޣައްޒާއަށް އަރަމުންއެބަދެއެވެ.

ވައިގެން މަގުން ދޭ ނުރައްކާތެރި ހަމަލާތަކާއި އެކު އިޒްރާއިލުން މިހާރު މަސައްކަތް ކުރަމުން ދަނީ ޣައްޒާތެރެއަށް ވަދެގަނެ ހަމަލާތައް ދިނުމަށެވެ.

އަލްޖަޒީރާގައި ބުނެފައިވަނީ އިޒްރާއިލް ސިފައިންގެ ޓޭންކަރުތައް ޣައްޒާގެ ތެރެއަށް ވަންނަމުންދާކަމަށެވެ. އަދި ޓޭންކަރާއި ކައިރިއަށް ދާ މީހެއް ނުވަތަ ކުރިމަތިލާ މީހަކުނަމަ އެމީހަކަށް ހަމަލާދެމުންދާ ކަމަށެވެ.

އަދި ޓޭންކަރުތަކާއި އެކު ބުލްޑޯޒަރު ވެސް ހަރަކާތްތެރިވަމުން ދާ ކަމަށާއި، ޓޭންކަރުން ބަހަކާއި ކާރަކަށް މިހާރު ހަމަލާދީފައި ވާކަމަށެވެ.

ޣައްޒާގައި ހަރަކާތްތެރިވާ ނޫސްވެރިޔަކާއި ހަވާލާދީ އަލްޖަޒީރާގައި ބުނެފައިވަނީ އިޒްރާއިލް ސިފައިން ވައިގެން މަގުން ޣައްޒާއަށް ދެމުންދަ ހަމަލާތައް އިހުނައްވުރެ ވަރުގަދަކޮށް ޓޭންކަރުތަކާއި އެކު ހަމަލާތަކަށް ތައްޔާރުވެ ޣައްޒާ އަށް އެރުމުން މުޅި ޣައްޒާ ވަނީ ވަރަށް ބޮޑު ހާސްކަމެއްގެ ތެރޭގައި ކަަމަށެވެ. އެގޮތުން އެނޫސްވެރިޔާ ހުރި ޢިމާރާތައް އިޒްރާއިލް ސިފައިން ފޯނުން ގުޅައި އެ ޢިމާރާތް ހުސްކޮށް ޣައްޒާގެ ދެކުނަށް ބަދަލުވުމަށް އަންގައިފައިވާ ކަމަށް އަލްޖަޒީރާގައި ބުނެފައިވެއެވެ.

އެ ނޫސްވެރިޔާއާއި ހަވާލާދީ އަލްޖަޒީރާގައި އިތުރަށް ބުނެފައިވަނީ ޣައްޒާގެ ދެކުނަަށް ދަތުރު ކުރަން އޮންނަ މަގު އިޒްރާއިލް ސިފައިންގެ ބަންދު ކޮށްފައިކަމަށެވެ. އަދި ޣައްޒާ ދޫކޮށް ރައްކާތެރިކަން ހޯދުމަށް ދަތުރު ކުރަމުންދާ ޢާންމުންގެ ވެހިކަލްތަަކަށް އިޒްރާއިލް ސިފައިން ހަމަލާދޭކަމަށް ވެސް ޚަބަރުލިބެމުންދާ ކަަމަށް އެނޫސްވެރިޔާ އާއި ހަވާލާދީ އަލްޖަޒީރާގައި ބުނެފައިވެއެވެ.