ފަލަސްޠީނުގެ ޣަައްޒާ އޮތީ ތޫފާނެއްގެ ކުރިމަތީގައި ކަމަށް ދުނިޔޭގެ ސިއްޚަތު ޖަމިއްޔާ އިން ބުނެފިއެވެ.
ޑަބްލިޔުއެޗްއޯ އިން ބުނެފައިވަނީ އެއްތަނަކަށް މީހުން މާބޮޑަށް ގިނަވެ ބައިބޯވުމުގެ ސަބަބުން ބަލިފެތުރުން ވަނީ ފަސޭހަވެފައި ކަމަށެވެ. އަދި ފެން ސާފު ކުރާ ވަސީލަތްތަކާއި ނަރުދަމާގެ ވަސީލަތްތައް ހަލާކުވެފައި ހުރުމުގެ ސަބަބުން ބަލިމަޑުކަމެއް ފެތުރުމުގެ ފުރުސަތު ވަނީ ބޮޑުވެފައި ކަމަށެވެ.
ޔުނިސެފުންވެސް ވަނީ ޣައްޒާގައި ތިބި 6 މަހުން ދަށުގެ ކުދިންނަށް ޑީހައިޑްރޭޝަންގެ ސަބަބުން ދިމާވެދާނެ މައްސަލަތަކާއި ކަންބޮޑުވުން ފާޅުކޮށްފައެވެ. މިވަގުތު ޣައްޒާގައި ބުއިމަށް ރައްކާތެރި ސާފު ބޯފެން ލިބޭ ގޮތައް ސަލާމަތުން ހުރީ އެންމެ ފަސް ވޯޓަރ ސަޕްލައި ލައިނެކެވެ.
މީގެ އިތުރުން ޔުނިސެފުން ބުނެފައިވަނީ އިޒްރާއިލުން އޮކްޓޫބަރ 7ވަނަ ދުވަހު ދޭން ފެށި ހަމަލާތަކާއި އެކު މިހާތަނަށް 940 ކުޑަކުއްޖަކު ގެއްލިފައިވާ ކަމަށް ރިކޯޑް ކުރެވިފައިވާ ކަމަށާއި، ޣައްޒާ މިހާރު ވަނީ ކުޑަކުދިން ވަޅު ލެވިފައިވާ ގަބުރުސްތާނަކަށް ބަދަލުވެފައި ކަމަށެވެ.
ފަލަސްޠީނުގެ ހެލްތް މިނިސްޓްރީ އާއި ހަވާލާދީ އަލްޖަޒީރާގައި ބުނެފައިވަނީ ހަމަލާތަކުގައި މިހާތަނަށް 3500 ކުޑަކުއްޖަކު ޝަހީދު ކޮށްލައިފައިވާ ކަމަށެވެ.
އިޒްރާއިލާއި ފަލަސްޠީނާއި ދެމެދު ހިނގަމުންދާ ހަނގުރާމައިގައި މިހާތަނަށް 8306 މީހަކު ވަނީ ޝަހީދުވެފައެވެ.
Advertisement
This content is created and paid for by advertisers and does not involve Voice Journalists
