ރޭ އިޒްރާއިލުގެ ޔަހޫދީން ފަލަސްޠީނުގެ ޖަބަލިއްޔާ ރެފިޔުޖީ ކޭމްޕަށް އަމާޒުކޮށް ދިން ބާރުގަދަ ހަމަލާގައި 50 މީހުން ޝަހީދުވެފައިވާ ކަމަށް އަލްޖަޒީރާއިން ބުނެފިއެވެ.

ފަލަސްޠީނުގެ ހެލްތް މިނިސްޓްރީ އާއި ހަވާލާދީނއަލްޖަޒީރާގައި ބުނެފައިވަނީ ޖަބަލިއްޔާ އަށް ދިން ހަމަލާގެ ސަބަބުން 50 މީހުން ޝަހީދުވެފައިވާ ކަމަށާއި، 150 މީހަކު ވަނީ ޒަޚަމްވެފައިކަމަށެވެ.

ޖަބަލިއްޔާ އަށް ދިން ހަމަލާއާއި އެކި ހަމަލާއަމާޒުވި އިމާރާތްތައް ވަނީ ބިމާއި ހަމަވެފައެވެ. މި ހަމަލާގައިވެސް ގިނައިން ޝަހީދުވެފައިވަނީ ކުޑަކުދިންނާއި އަންހެނުންނެވެ.

Advertisement

ރޭ ޖަބަލިއްޔާއަސް ހަމަލާދިނުމަށް އިޒްރާއިލްގެ ސިފައިން 6 ޓަނުގެ ގޮވާތަކެތި ބޭނުންކޮށްފައިވާ ކަމަށް ފަލަސްޠީނުގެ އިންޓީރިއަރ މިނިސްޓްރީ އިން ވަނީ ބުނެފައެވެ.

ޖަބަލިއްޔާއަށް ދިން މިހަމަލާގައި އަލްޖަޒީރާގެ ބްރޯޑްކާސްޓް އިންޖިނިއަރެއް ކަމަށްވާ މުޙައްމަދު އަބޫ އަލް ޤުއްސާމްގެ ޢާއިލާގެ 18 މެމްބަރަކު ޝަހީދުވެފައިވާ ކަމަށް އަލްޖަޒީރާގައި ބުނެފައިވެއެވެ.

ޖަބަލިއްޔާ އަށް ދިން ހަމަލާއަށްފަހު އިޒްރާއިލުން ބުނެފައިވަނީ ޖަބަލިއްޔާއަށް ދިން ހަމަލާއަކީ އެތަނުގައި ދިރިއުޅެމުންދިޔަ ހަމާސްގެ އިސް ލީޑަރަކަށް އަމާޒުކޮށް ދިން ހަމަލާއެއް ކަމަށްބުނެފައެވެ. ނަމަވެސް ހަމާސް އާއި ހަވާލާދީ ޤުދްސް ނެޓްވޯކުން ބުނެފައިވަނީ އެއީ އެއްވެސް އަސްލެއް ނެތް ވާހަކަތަކެއް ކަމަށެވެ.

ރޭ ޖަބަލިއްޔާ އަށް ދިން ހަމަލާއަށް ފަހު ޒަޚަމްވި މީހުންނަށް ފަރުވާ ދިން އިންދޮނީސީ ހޮސްޕިޓަލްގެ ޑޮކްޓަރަކަށް ހަވާލާދީ ޤުދްސް ނެޓްވޯކު ގައި ބުނެފައިވަނީ އެހަމަލާތަކުގައި އަނިޔާވެގެން ގެނައި މީހުންގެ ގައިގައި ހުރީ އަޖައިބު ވާކަހަލަ ޒަޚަމްތަކެއް ކަމަށެވެ.

ޒަޚަމްތަކުން ލޭ އަންނަ ތަންތަނުން ލޭ މަނާކުރަން ޑޮކްޓަރުން މަސައްކަތް ކުރުމުން ގިނަ ކޭސްތަކުގައި ލޭ ހޮޅިތައް ފަޅައިގެން ގޮސްފައިވާ ކަމަށްވެސް ބުނެފައިވެެއެވެ.