ފަލަސްޠީނުގައި ޙާލުގައި ޖެހި އެހީއަށް ބޭނުންވެފައިވާ މީހުންނަށް އެހީވުމަށް ފައިސާ ހޯދުމަށް އިވެންޓެއް ބޭެއްވުމަށް ނިންމައިފައިވާ ކަމަށް އާބަންކޯއިން ބުނެފިއެވެ.

އާބަންކޯއިން ބުނީ ނޮވެމްބަރ 3އެއް ވާ ހުކުރު ދުވަހުގައި ފަލަސްތީނުގެ ރައްޔިތުންނަށް އެހީވުމަށްޓަކައި ފަންޑް ރައިސިންގް އިވެންޓެއް ބޭއްވުމަށް ހަމަޖެހިފައިވާ ކަމަށެވެ.

މި އިވެންޓް ކުރިއަށް ދިއުމަށް ހަމަޖެހިފައިވަނީ ހަވީރު6-4 އަދި ރޭގަނޑު 10-8 އެއްގައި ސެންޓްރަލް ޕާރކްގައި ކަމަށް އާބަންކޯއިން ބުނެއެވެ.

މި އިވެންޓްގައި ފުޑް ސްޓޯލް، ޖަމްބަލް ސޭލް އަދި ކުޑަކުދިންނަށް ހާއްސަ ތަފާތު ހަރަކާތްތައް ކުރިއަށް ގެންދެވޭނެ ކަމަށާއި، އެގޮތުން މި ހަރަކާތްތައް މެދުވެރިކޮށް ލިބޭ ހުރިހާ ފައިސާއެއް ފަލަސްތީނުގެ ރައްޔިތުންނަށް އެހީތެރިވުމަށް ދެވިގެންދާނެ ކަމަށްވެސް އާބަންކޯއިން ބުނެއެވެ.

“އެހެންކަމުން އަރބަންކޯގެ އެދުމަކީ ވީހާވެސް ގިނަ ބޭފުޅުން މި އިވެންޓްގައި ބައިވެރިވެ ފަލަސްތީނުގައި ހާލުގައި ޖެހިފައިވާ ރައްޔިތުންނަށް އެހީތެރިވުމުގައި ހިއްސާވުން” އާބަންކޯއިން ބުނެފައިވެއެވެ.

ރާއްޖޭގެ އެކި ކަންކޮޅުތަކުގައި ފަލަސްޠީނަށް އެހީވުމަށް ފައިސާ ހޯދުމަށް އެކި ހަރަކާތްތައް އަންނަނީ ހިންގަމުންނެވެ.