ދިވެހި ކަނބަލުން “ފަލަސްޠީނާއި އެކު” ނަމުގައި ބާއްވާ ހިނގާލުމެއް މި ނޮވެމްބަރު މަހުގެ 3 ވާ ހުކުރު ދުވަހު ބޭއްވުމަށް ހަމަޖެހިއްޖެއެވެ.

މި ހިނގާލުމަކީ އަސުރު އެސޯސިއޭޝަނާއި ގުޅިގެން ދިވެހި ކަނބަލުން އިންތިޒާމް ކުރާ ހިނގާލުމެކެވެ. މި ހިނގާލުމުގައި ދިވެހި ކަނބަލުންނާއި އެކު ބައިވެރިވަނީ އަސުރު އެސޯސިއޭޝަން، މަމްސް އެއިޑް، ކޭކް ޑޮނާސް އަދި ރައިޓް މޫވްމެންޓެވެ.

މި ހިނގާލުން ފެށުމަށް ހަމަޖެހިފައިވަނީ ހުކުރުދުވަހުގެ 3:45 ގައި މާލެ ރަސްފަންނުން ނެވެ. މި ހިނގާލުން ނިންމުމަށް ހަމަޖެހިފައިވަނީ ހެންވޭރު އާޓިފިޝަލް ބީޗަށެވެ.

Advertisement

މި ހިނގާލުމުގައި ، ފަލަސްޠީނުގެ ލޮބުވެތި ކުޑަކުދިންނާއި އަންހެނުންނާއި ރައްޔިތުންގެ މައްޗަށް އިސްރާއީލު ޓެރަރިސްޓު ދައުލަތުން ހިންގާ ލާއިންސާނީ ޖަރީމާތަކާ ދެކޮޅަށް އަޑު އުފުލޭނެ ކަމަށް އަސުރު މި ހިނގާލުން އިންތިޒާމް ކުރައްވާ ފަރާތްތަކުން މައުލޫމާތު ދެއްވައިފައިވެއެވެ.

މި ހިނގާލުމުގައި ވީހާވެސް ގިނަ އަންހެނުން ބައިވެރިވުމަކީ އިސްރާ އެސޯސިއޭޝަނާއި މި ހިނގާލުން އިންތިޒާމް ކުރާ ފަރާތުން އެދި ވަޑައިގަނެއެވެ.