އިޒްރާއިލުން އަނެއްކާވެސް ޣައްޒާގެ ޖަބަލިއްޔާ ރެފިޔުޖީ ކޭމްޕަށް ބޮންއަޅައިފިއެވެ.
މިއީ 24 ގަޑިއިރުތެރޭ އިޒްރާއިލުން ޖަބަލިއްޔާއަށް ބޮން އެޅި ދެވަނަ ފަހަރެވެ. އިއްޔެ ރޭ ޖަބަލިއްޔާއަށް ދިން ހަމަލާގައި 50 އަށްވުރެ ގިނަ މީހުން ވަނީ ޝަހީދުވެފައެވެ.
މިއަދު އިޒްރާއިލުން ހަމަލާދީފައިވަނީ ޖަބަލިއްޔާ ކޭމްޕްގައި ހުންނަ އަލް ފަލޫގާ ކިޔާ ސަރަހައްދަށެވެ. ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ މިއަދު އިޒްރާއިލުން ހަމަލާދިން ސަރަހައްދަކީ ގެެތައް ވަރަށް ކައިރި ކައިރީގައި ހުންނަ ސަރަހައްދެއް ކަމަށެވެ.
މިހަމަލާގައި މީހުން ޝަހީދުވި މިންވަރެއް އަދި ޒަޚަމްވި މީހުންގެ ޢަދަދެއް ސާފުވެފައެއް އަދި ނުވެއެވެ.
ފަލަސްޠީނުގެ ސިވިލް ޑިފެންސް ފޯސްގެ ތަރުޖަމާނު މުޙައްމަދު މޫސަލް ހަވާލާދީ އަލްޖަޒީރާ ގައި ބުނެފައިވަނީ މި ހަމަލާގައި ގިނަ އާއިލާތަކެއް އެކިގައި ޝަހީދުވެފައިވާ ކަމަށާއި، އަދި ވެއްޓިފައިވާ ޢިމާރާތް ތަކުގެ ދަށުން މީހުން ސަލާމަތްކުރުމާއި މީހުން ހޯދުމަށް ބޭނުންވާ ވަސީލަތްތައް ފަލަސްޠީނުގެ ސިވިލް ޑިފެންސް ފޯސް އަށް ލިބިފައި ނުވާކަމަށެވެ.
މޫސަލްގެ ވާހަކައިގައި ޢަރަބި ދުނިޔޭގެ ވެރިންނަށް ގޮވާލައިފައިވަނީ ފަލަސްޠީނުގެ ފަލަސްޠީނުގެ ސިވިލް ޑިފެންސް ފޯސްއަށް މީހުން ސަލާމަތް ކުރުމަށާއި މީހުން ހޯދުމަށް ބޭނުންވާނެ ތަކެތި ފޯރުކޮށްދިނުމަށް ގޮވައިލައިފައެވެ.
Advertisement
This content is created and paid for by advertisers and does not involve Voice Journalists
