ފަލަސްޠީނުގެ ޣައްޒާގައި ގެދޮރު ގެއްލިފައި ތިބި 1،470،000 މީހުން އެބަތިބިކަމަށް ޔޫރޯ މެޑް ހިޔުމަން ރައިޓްސް މޮނިޓަރ އިން ހާމަކުރި އަދާހަމަތަކުން ބުނެފިއެވެ.

އެއަދާހަމަ ތަކުގައި ބުނެފައިވާ ގޮތުން ޣައްޒާގައި ބޯހިޔާ ވަހިކަން ގެއްލިފައި ތިބި 1،470،000 މީހުން އެބަތިބިކަމަށާއި، 44300 ގެއެއް މުޅިން އެކުގައި ހަލާކުވެފައި ވާ ކަމަށެވެ. މީގެ އިތުރުން 136100 ގެއެއް ވަނީ މަރާމާތައް ބޭނުންވެފައި ކަމަށް އެ އަދާހަމަތަކުގައި ބުނެފައިވެއެވެ.

ޣައްޒާގެ 147 ސްކޫލެއް ހަލާކުވެފައިވާއިރު، 513 އިންޑަސްޓްރިއަލް ފެސިލިޓީ އެއް ވަނީ ހަލާކުވެފައެވެ. މިއާއި އެކު 87 ޕްރެސް ހެޑްކުއަރޓާސް އެއް ހަލާކުވެފައި ވާއިރު، 32 ނޫސްވެރިޔަކު ވަނީ ޝަހީދުވެފައެވެ. އަދި 47 މިސްކިތަކާއި 3 ފައްޅިއެއް ވަނީ ހަލާކުކޮށްލައިފައެވެ.

107 ހެލްތް ފެސިލިޓީއަކަށް އަމާޒުކޮށް ހަމަލާދީފައިވާއިރު، 247 މެޑިކަލް އޮފިސަރަކަށް އަމާޒުކޮށް ވަނީ ހަމަލާދީފައެވެ. އޭގެ ތެރެއިން 111 މީހަކު ޝަހީދުވެފައިވާއިރު، 136 މީހަކު ވަނީ ޒަޚަމްވެފައެވެ.

މީގެއިތުރުން 9056 މީހަކު ޝަހީދުވެފައިވާއިރު އޭގެ ތެރެއިން 3718 ޝަހީދުންނަކީ ކުޑަކުދިންނެވެ. އަދި 1929 ޝަހީދުންނަކީ އަންހެނުންނެވެ.

21890 މީހަކު ޒަޚަމްވެފައިވާއިރު، 1976 މީހަކު ވެއްޓިފައިވާ ޢިމާރާތް ތަކުގެ ދަށުގައި ތާށިވެފައިވާ ކަމަށްވެސް ބުނެފައިވެއެވެ.