ޣައްޒާގެ ޖަބަލިއްޔާ ރެފިޔުޖީ ކޭމްޕަށް އިޒްރާއިލުން އިއްޔެ ދިން ހަމަލާގައި 195 މީހަކު ޝަހީދުވެފައިވާ ކަަމަށް ފަލަސްޠީނުގެ ސަރުކާރުން ހާމަކޮށްފައިވާ ކަަމަށް އަލްޖަޒީރާއި އިން ބުނެފިއެވެ.

ޖަބަލިއްޔާ އަށް އިޒްރާއިލުން ދިން ދެވަނަ ހަމަލާގައި 195 މީހަކު ޝަހީދުވެފައިވާއިރު 120 މީހަކު ވަނީ ވީނުވީ އެއް ނޭގިފައި ކަމަށް އަލްޖަޒީރާގައި ބުނެފައިވެއެވެ.

ފުރަތަމަ ދެ ހަމަލާގައި ޝަހީދުވި މީހުންގެ ހަށިތަކާއި ޢިމާރާތްތަކިގެ ދަށުން މީހުންތައް ނުނެރެވިގެން އުޅެނިކޮށް އަނެއްކާ މިއަދު ވަނީ ހަމަ ޖަބަލިއްޔާއަށް ތިންވަނަ ހަމަލާއެއް ދީފައެވެ.

މިހަމަލާގައި ތިން މީހަކު ޝަހީދުވެ ގިނަ ބަޔަކަށް ވަނީ އަނިޔާވެފައެވެ.

މިއާއި އެކު ޖަބަލިއްޔާ އަށް ދިން ހަމަލާތަކުގައި ޝަހީދުވި މީހުންގެ ޢަދަދު 200 އަށް އަރައި ޒަޚަމްވި މީހުންގެ ޢަދަދު ވަނީ 777 އަކަށް އަރައިފައެވެ.

ޖަބަލިއްޔާއަށް ދިން ހަމަލާގެ އިތުުރުން އަލް ނަސްރު ސްޓްރީޓަށް އަމާޒުކޮށް އިޒްރާއިލުން ދިން ހަމަލާއެއްގައިވެސް ގިނަ ބަޔަކު ވަނީ ޒަޚަމްވެފައެވެ.އޭގެ ތެރޭގައިވެސް ބޮޑު ޢަދަދެއް ހިއްސާ ކުރަނީ ކުޑަ ކުދިންނެވެ.