ޣައްޒާއަށް ދިން ހަމަލާތަކެއްގައި ޒަޚަމްވި ބަޔަކު އުފުލި އެމްބިޔުލާންސްއަކަށް އިޒްރާއިލުން ހަމަލާދީފިއެވެ.

އަލްޖަޒީރާގައި ރެޑްކްރޮސެންޓްގެ ބަޔާނަށް ހަވާލާދީ ބުނެފައިވަނީ އިއްޔެ 4:05 އެހާއިރު ފަލަސްޠީނުގެ ހެލްތް މިނިސްޓްރީގެ އެންގުމަކަށް ގިނަ އެމްބިޔުލާންސްތަކެއް ދަތުރު ފެށި ކަމަށެވެ. މި އެމްބިޔުލާންސް ތައް ދަތުރު ކުރަމުންދިޔައީ ޒަޚަމްވެފައިވާ މީހުން ރަފާހް ބޯޑަރު ހުރަސްކޮށް މިޞްރަށް ގެންދިޔުމަށް އެމީހުން ރަފާހް ބޯޑަރާއި ހަމައަށް ގެންދިޔުމަށް ކަމަށެވެ.

އޭގެ ތެރޭގައި ހިމެނެނީ ހެލްތް މިނިސްޓްރީގެ 4 އެމްބިޔުލާންސައަކާއި ރެޑް ކްރެސެންޓްގެ އެމްބިޔުލާންސްއެކެވެ.

ރަފާހް ބޯޑަރާއި ދިމާއަށް ދަތުރު ކުރަމުންދިޔަ އެމްބިޔުލާންސްތައް ހަތަރު ކިލޯމީޓަރަށް ދަތުރުކުރުމަށް ފަހު އެނބުރި އަލް ޝިފާއަށް ދަތުުރު ފެށީ މަގުތަކުގައި ހުރި ގައު ތަކާއި، އިޒްރާއިލުން އަޅަމުންދިޔަ ވައިގެ ހަމަލާތަކާއި އެކު ކުރިއަށް ނުދެވޭނެ ކަމަށް ލަފާ ކޮށް ކަމަށް އަލްޖަޒީރާގައި ބުނެފައިވެއެވެ.

އެމްބިޔުލާންތައް އަނބުރާ އަލް ޝިފާއަށް ދަތުުރު ފަށައި ޝިފާ އާއި ކިލޯމީޓަރަކަށް ކައިރިވެފައިވަނިކޮށް އެންމެ ކުރިއަށް އޮތް އެމްބިޔުލާންސް އަށް އަމާޒުކޮށް ހަމަލާދިން ކަމަށެވެ.

އެމްބިޔުލާންސްއަށް ދިން ހަމަލާގައި 15 މީހަކު ވަނީ ޝަހިދުވެފައެވެ.

މިހަމަލާއާއި ގުޅިގެން އިޒްރާއިލުން ވަނީ އެމްބިޔުލާންސަށް އަމާޒުކޮށް ހަމަލާދިން ކަމަށް އެއްބަސްވެފައެވެ. އަދި އެމްބިޔުލާންސަށް އަމާޒުކޮށް ހަމަލާދީފައިވަނީ އެ އެމްބިޔުލާންއަކީ ހަމާސް ޖަމާޢަތުގެ ހަނގުރާމަވެރިން ބޭނުން ކުރަމުންދިޔަ އުޅަނދަކަށް ވާތީ ކަމަށްބުނެފައެވެ.

ނަމަވެސް މިހަމަލާ އަރައިފައިވަނީ ޒަޚަމްވެފައިތިބި ޢާންމުން އުފުލި އެމްބިޔުލާންސްއަކަށް ކަން ވަނީ ސާބިތުވެފައެވެ. އިޒްރާއިލަށް ނިސްބަތްވާ ޑޭވިޑް އެޑޮމް ވެސް ވަނީ އިޒްރާއިލްގެ ވާހަކަތަކަކީ ދޮގެއް ކަމަށް ބުނެފައެވެ.