ފަލަސްޠީނުގެ ޣައްޒާގައި ހުންނަ ކުޑަކުދިންގެ ހޮސްޕިޓަލް އަލް ނައްސިރް ހޮސްޕިޓަލަށް އަމާޒުކޮށް އިޒަރާއިލުން ހަމަލާދީފިއެވެ.
މިހަމަލާ އާއި ގުޅިގެން ބަޔަކު ޝަހީދުވެ ގިނަ ބަޔަކު ޒަޚަމްވެފައިވެއެވެ. މިހަމަލާގައި ޝަހީދުވި މީހުންގެ ޢަދަދެއް އަދި ޒަޚަމްވި މީހުންގެ ޢަދަދެެއް އަދި ޔަޤީން ވެފައެއް ނުވެއެވެ.
އިޒްރާއިލުން ޣައްޒާއަށް ހަމަލާދޭތާ މިއަދަށް 29 ދުވަސް ވެފައިވާއިރު ނޮވެމްބަރު 3 ވީ ހުކުުރު ދުވަހު ޣައްޒާގެ ތިން ސަރަހައްދެއްގައި ހުރި ތިން ހޮސްޕިޓަލަކަށް އިޒްރާއިލުގެ ޔަހޫދީން ވަނީ ހަމަލާދީފައެވެ.
އެގޮތުން އަލް ޝިފާ ހޮސްޕިޓަލާއި، އަލް ޤުދްސް ހޮސްޕިޓަލާާއި އިންދޮނީސީ ހޮސްޕިޓަލް ހިމެނެއެވެ.
އަލް ޖަޒީރާގައި ބުނެފައިވަނ ީހޮސްޕިޓަލްތަކަށް ހަަމަލާދިނުމުގެ އިތުރުން ރަފާހް ގެ އިރުމަތީގައި ހުރި ފެން ޓޭންކުތަކަށް އިޒްރާއިލުން ހަމަލާދީ އެތަކެތު ހަލާކު ކޮށްލައިފައިވާ ކަމަށެވެ. އަދި އެފެން ޓޭންކު ތަކަކީ އެސަރަހައްދުގެ މީހުން ބުއިމަށް ބޭނުންކުރާ ފެން ރައްކާކޮށްފައިވާ ޓޭންކުތައް ކަމަށްވެސް އަލްޖަޒީރާގައި ބުނެފަައިވެއެވެ.
މީގެ އިތުރުން އަލްޖަޒީރާގައި ރިޕޯޓް ކުރި މީހަކާއި ހަވަލާދީ އަލްޖަޒީރާގައި ބުނެފައިވަނީ ރަފާހް ގެ އަތިރިމައްޗަށް ވާގޮތަށް ހުރި މަސްވެރިކަން ކުރާ ބޯޓުތަކުގައި ރޯކޮށްލައި އެއެއްޗެހި ބޭނުން ނުކުރެވޭ ވަރަށް ހަލާކުކޮށްލައިފައި ވާކަމަށެވެ.
ރަފާހްގެ އަތިރިމަތީގައި ހުރި މަސް ބޯޓުތަކުގައި ރޯކޮށްލައިފައި. ފޮޓޯ: ޤުދުސް ނެޓްވޯކް
އަދި ޞަބްރާ ނެއިބަރހުޑްގައި ހުރި މިސްކިތަކަށް ވެސް ރޭ އިޒްރާއިލުން ވަނީ ހަމަލާދީފައެވެ. މިއާއި އެކު އަލް ވަފާ ހޮސްޕިޓަލުގެ ޕްރައިމަރީ އިލެކްޓްރިސިޓީ ޖަނެރޭޓަރަށް ދިން ހަމަލާއެއްގެ ސަބަބުން އެހޮސްޕިޓަލްގެ ޚިދްމަތް މުޅިން އެކީ ކަހަލަ ގޮތަަކަށް ކެނޑިފައިވާ ކަމަށް އަލްޖަޒީރާގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
