އަނިޔާވެރި އިޒްރޭލާއި ދެކޮޅަށް، ފަލަސްތީންގެ ރައްޔިތުންނަށް އިންސާފް ހޯދައި ދިނުމަށްޓަކައި ރާއްޖެއަށް ދައުވާ ކުރެވޭނެކަމަށް ދިވެހި ރާއްޖޭގެ ގާނޫނީ ވަކީލު މައުމޫން ހަމީދު މިއަދު ވިދާޅުވެއްޖެއެވެ.
މައުމޫން ހަމީދު އެކްސް ގައި ކުރެއްވި ޕޯސްޓެއްގައި ވިދާޅުވީ، ބައިނަލް އަޤުވާމީ ގޮތުން ހިނގާ ނާއިންސާފުވެރި އަނިޔާވެރި ކަމަށް ދިވެހިރާއްޖޭގެ ގާނޫނުގައި އަދަބު ކަނޑައެޅިފައިވާކަމަށެވެ.
ގާނޫނުލް އުގޫބާތުގެ 13 ވަނަ މާއްދާގައި ބަޔާންވެފައި ވާ ގޮތުން، ކުށްކުރީ ކޮންމެތަނެއްގައި ކަމުގައިވިޔަސް، އަދި އެ ކުށްކުރި މީހުންގެ ދިރިއުޅުން ބިނާވެފައިވަނީ ކޮންމެ ގައުމެއްގައި ވިޔަސް ބައިނަލް އަގުވާމީ ގާނޫނާ ކަނޑައެޅިގެން ހިލާފަށް ކުރެވޭ ކޮންމެ ކުށެއްގައި ދައުވާ ކުރުމުގެ ބާރު ދިވެހި ދައުލަތަށް ލިބިގެން ވާ ކަމަށެވެ. މީގެ އިތުރުން، ރާއްޖެއިން ބައިވެރިވެފައިވާ ބައިނަލްއަގުވާމީ މުއާހަދާއެއްގެ ސަބަބުން އެ ކުށުގެ އަމަލުގެ މައްޗަށް ގާނޫނު ހިންގުމުގެ ބާރު ދައުލަތަށް ލިބިދޭ ބާވަތް ތަކުގެ ކުށްތަކުގައިވެސް ދައުވާ ކުރުމުގެ ބާރު ލިބިގެންވާކަމަށް ބަޔާން ވެގެންވެއެވެ.
"ފަލަސްތީނަށް ދެމުންދާ ބޮޑެތި ގެއްލުންތަކާއި ޖަރީމާ ތަކާއި ދެކޮޅަށް ބައިނަލްއަގުވާމީ މުޖުތަމައު އިސްނަގަންދެން މަޑުކުރުމުގެ ބަދަލުގައި ފަލަސްތީނަށް އެހީތެރި ވުމުގެ ފުރުސަތު ރާއްޖެއަށްވެސް އެބައޮތް" މައުމޫން ހަމީދް ކުރެއްވި ޕޯސްޓްގައި ވެއެވެ.
އިސްރާއީލުން ފަލަސްތީނުގެ ރައްޔިތުންނަށް ދެމުން އަންނަ ލާއިންސާނީ އަނިޔާވެރިކަން ހަރުކަށި އިބާރާތުން ދުނިޔޭގެ އެކި ކަންކޮޅުތަކުން ދަނީ ކުށްވެރި ކުރަމުންނެވެ.
Advertisement
This content is created and paid for by advertisers and does not involve Voice Journalists
