މި އަހަރުގެ މިހާތަނަށް ދިވެހިރާއްޖެ ޒިޔާރަތްކުރި ފަތުުރވެރިންގެ ޖުމުލަ އަދަދު ދޮޅު މިލިއަނުން މައްޗަށް އަރައިފިއެވެ.

މިނިސްޓްރީ އޮފް ޓުއަރިޒަމް އަން އެންމެ ފަހުން އާންމުކުރި ތަފާސް ހިސާބުތައް ދައްކާގޮތުން މި މަހުގެ އެއްވަނަ ދުވަހުގެ ނިޔަލަށް 1،525،332 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ. 

މިއީ ފާއިތުވި އަހަރާއި އަޅައިބަލާއިރު ރާއްޖެ ޒިޔާރަތްކުރި ފަތުރުވެރިންގެ އަދަދު 13 އިންސައްތަ އިތުރު އަދަދެއްކެވެ. 

Advertisement

ފާއިތުވި 2022 ވަނަ އަހަރު ރާއްޖެއަށް ޒިޔާރަތްކުރި ފަތުރުވެރިންގެ އަދަދަކީ 1,349,499 އެވެ. 

މި އަހަރު ރާއްޖެއަށް އެންމެ ގިނަ އަދަދަކަށް ޒިޔާރަތްކޮށްފައިވަނީ ރަޝިއާ ފަތުރުވެރިންނެވެ. ރަޝިއާއިން 175,714 ފަތުރުވެރިން ރާއްޖެ އައިސްފައި ވާއިރު މިއަހަރު ރާއްޖެއަށް ދެވަނައަށް އެންމެގިނަ އަދަދަކަށް ޒިޔާރަތްކުރާ އިންޑިއާއިން 164,990 ފަތުރުވެރިން ރާއްޖެއައިސްފައިވެއެވެ. 

މީގެ އިތުރުން އެ މިނިސްޓްރީގެ ތަފާސް ހިސާބުތައް ދައްކާގޮތުުން އެވްރެޖްކޮށް ދުވާލަކު ރާއްޖެއަށް 5001 ފަތުރުވެރިން ޒިޔާރަތްކުރިއެވެ.