މޫސުން ގޯސްވެ ވައިގަދަ ވުމުގެ ސަބަބުން ހުޅުމާލެ ފިތުރޯނު މަގުގައި ހުރި ގަހެއް، ކައިރީގައި ޕާކް ކޮށްފައި އޮތް ކާރެއްގެ މައްޗަށް ވެއްޓިއްޖެއެވެ.

ހުޅުމާލޭގެ ވަން އެވެނިއު ކުރިމަތީގައި ހުރި ފިތުރޯނު ގަހެއް ކާރެއްގެ މައްޗަށް ވެއްޓުނު ނަމަވެސް މިހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.

ރާއްޖޭގެ އެކި ހިސާބު ތަކަށް ކުރަމުން މިދާ ވިއްސާރައިގައި ވައި ފުދޭވަރަކަށް ގަދަވާނެ ކަމަށާއި ބޯކޮށް ވާރޭ ވެހި ގުގުރާނެކަމަށް މެޓް އޮފީހުން ވަނީ ލަފާ ކޮށްފައެވެ.

އަދި ކުރިއަށް އޮތް 24 ގަޑިއިރަށް މެޓް އޮފީހުން ވަނީ ރާއްޖޭގެ އެކި ހިސާބުތަކަށް ހުދު އެލަރޓް ނެރި މޫސުމާއި މެދު ސަމާލުވުމަށް އާއްމުންނަށް އިލްތިމާސް ކުރައްވާފައެވެ.