ޖަނެރޭޓަރުތައް ހިންގާނެ ތެޔޮ ނުލިބިއްޖެނަމަ ހޮސްޕިޓަލްގައި އެޑްމިޓް ކޮށްފައި ތިބި 100 އަށް ވުރެ ގިނަ މީހުން މަރުވެދާނެ ކަމަށް އަލް ޝިފާ ހޮސްޕިޓަލުގެ ޕްލާސްޓިކް ސާޖަން ޑރ މުޙައްމަދު މޮހައްލާލަތީ ވިދާޅުވެއްޖެއެވެ.

އަލްޖަޒީރާއަށް މަޢުލޫމާތު ދެއްވަމުން ޑރ މުޙައްމަދު ވިދާޅުވިކަމަށް އަލްޖަޒީރާގައި ބުނެފައިވަނީ އަލް ޝިފާގެ ޙާލަތު ދަނީ ޚައްސާސް ވަމުން ކަމަށާއި ތެޔޮ ނުލިބި ކަރަންޓު ކެނޑި އަދި ތެލުގެ ސަޕްލައި ލިބޭނެ ގޮތެއް ނެތް ކަމަށެވެ.

ޑރ މުޙައްމަދު ވިދާޅުވެފައިވަނީ ތެޔޮ ނުލިބި ޖަނެރޭޓަރުތައް ހުއްޓިއްޖެނަމަ 100 އެއްހާ މީހުންގެ ފުރާނަ ގެއްލިގެން ހިނގައިދާނެ ކަމަށެވެ.

Advertisement

ޑރ މުޙައްމަދު ވިދާޅުވީ ޖަނެރޭޓަރު ތަކަށް ތެޔޮ ލިބި ކަރަންޓު ބޭނުން ވަނީ ޚައްސާސް ޙާލަތުގައި ތިބި ބަލިމީހުންނަށް ފަރުވާ ދިނުމަށް ބޭނުންކުރަންޖެހޭ މެޝިނުތައް ހިންގުމަށް ކަން ފާހަގަ ކުރައްވައިފައެވެ.

އިޒްރާއިލުން އޮކްޓޫބަރު 7ގައި ދޭން ފެށި ހަމަލާތަކުގެ ސަބަބުން މިހާތަނަށް 9488 މީހަކު ޝަހީދު ވެފައިވެއެވެ.