ޣައްޒާގައި މިހާރު ކުރިއަށް ދާ ހަނގުރާމަ ވަގުތުން ވަގުތައް ހުއްޓާލުމަށް ފަލަސްޠީނުގެ ރައީސް މަޙްމޫދް އައްބާސް ގޮވައިލައްވައިފިއެވެ.

މަހްމޫދް އައްބާސް އާއި އިނގިރޭސި ވިލާތުގެ ސްޓޭޓް ސެކްޓަރީ އެންތަނީ ބްލިންކަން އާއި އެކު ފަލަސްޠީނުގެ ރާމައްﷲގައި ބޭއްވުނު އެއް ގަޑިއިރަށް ދެމިގެން ދިޔަ ބައްދަލުވުމުގައި އައްބާސް ގޮވައިލެއްވީ ހަމަލާބަދަލުކުރުންތައް ވަގުތުން ވަގުތައް ހުއްޓާލުމަށް ކަމަށް އަލްޖަޒީރާގައި ބުނެފައިވެއެވެ.

އަދި ހަމަލާތައް ވަގުތުން ވަގުތައް ހުއްޓާލުމާއި އެކު ޣައްޒާއަށް ވީ އެންމެ އަވަހަކަށް އިންސާނީ އެހީ ފޯރުކޮށްދިނުމަށް ވަނީ ގޮވައިލައިފައި ކަމަށް އަލްޖަޒީރާގައި ބުނެފައިވެއެވެ.

Advertisement

އައްބާސް އާއި ބައްދަލުކުރެއްވުމަށް ބްލިންކަން ރާމައްﷲ އަށް ދިޔުމާއި ގުޅިގެން ރާމައްﷲގައި ވަނީ މުޒާހަރާއެއް ވެސް ކުރިއަށް ގެންގޮސްފައެވެ.

މުޒާހަރާ ގެ ބައިވެރިން ބުނެފައިވަނީ އިނގިރޭސި ވިލާތަކީ ޣައްޒާގައި މިހާރު އިޒްރާއިލުން ކުރިއަށް ގެންދާ ޤަޠުލްއާންމުގެ ވާގިވެރިވާ ބައިވެރިއެއް ކަމަށެވެ.

ފަލަސްޠީނުގެ ރައީސް މަހްމޫދް އައްބާސް އާއި އެކު ބޭއްވެވި ބައްދަލުވުމުގައި އައްބާސް ހަމަލާތައް ވަގުތުން ވަގުތައް ހުއްޓާލުމަށް ގޮވައިލެއްވި ނަަމަވެސް ހަމަލާތައް ހުއްޓާލުމަށް ބްލިންކަން ގޮވައިލައިފައެއް ނުވެއެވެ.

ހަމަލާތައް ހުއްޓަލުމަށް ގޮވައިލުމުގެ ބަދަލުގައި ބްލިންކަން ޔަޤީންކަން ދިނީ ޣައްޒާއަށް އިންސާނީ އެހީ ފޯރުކޮށްދިނުމުގެ ޔަޤީންކަމެވެ.