އިޒްރާއިލުން ހުއްޓާނުލައި ޣައްޒާއަށް ހަމަލާދެތާ 29 ދުވަސް ވެފައިވާއިރު ހަމަލާތަކުގައު ޝަހީދުވި މީހުންގެ ޢަދަދު 9770 އަށް އަރައިފިއެވެ.
އަަލްޖަޒީރާގައި ފަަލަސްޠީނުގެ ހެލްތް މިނިސްޓްރީއާއި ހަވާލާދީ ބުނެފައިވަނީ އިޒްރާއިލުން އޮކްޓޫބަރު 7 ވަނަ ދުވަހު ޣައްޒާއަށް ދެން ފެށި ހަމަލާތަކުގައި 9770 މީހުން ޝަހީދު ވެފައިވާއިރު އޭެގެ ތެރެއިން 4880 ޝަހީދުންނަކީ ކުޑަކުދިންކަމަށެވެ. އަދި ޣައްޒާއިން މިހާތަނަށް 26،000 މީހުން ނަށް އެކި ވަރުގެ ޒަޚަމްތައް ލިބިފައިވާ ކަމަށެެވެ.
ޣައްޒާގެ ނޫސްވެރިޔަކު ހަމަލާއެއްގައި ޝަހީދުވި އެނާގެ ދަރިއެއްގެ ހަށިގަނޑު ކައިރީގައި. ފޮޓޯ: ޤުދްސް ނެޓްވޯކް<br>
މީގެ އިތުރުން ފަލަސްޠީނުގެ ޣައްޒާގައި އިޒްރާއިލުން ފަށައިފައިވާ ޤަޠުލުއާންމުގެ ފެށުމާއި އެކު މިހާތަނަށް ފަލަސްޠީނުގެ ހުޅަނގުއައްސޭރީން 152 މީހަކު އިޒްރާއިލް ސިފައިން ވަނީ ޝަހީދު ކޮށްލައިފައެވެ. އަދި 5600 މީހަކު ވަނީ ޒަޚަމް ކޮށްލައިފައެވެ.
7 އޮކްޓޫބަރުގައި ހަމަލާ ދޭން ފެށިފަހުން އިޒްރާއިލުން ޣައްޒާއަށް ހަމަލާދިނުން ހުއްޓައެއް ނުލައެވެ. އެގޮތުން މިއަދު އަލް މަޤާޒީ ރެފިޔުޖީ ކޭމްޕަށް ދިން ހަމަލާގައި 47 މީހަކު ވަނީ ޝަހީދުކޮށްލައިފައިވެއެވެ.
އަދި މިއަދު ޖަބަލިއްޔާއަށް ދިން ހަމަލާގައި 6 މީހަކު ވަނީ ޝަހީދުވެފައެވެ.
Advertisement
This content is created and paid for by advertisers and does not involve Voice Journalists
