އިޒްރާއިލުން އަނެއްކާވެސް ޣައްޒާގެ ޖަބަލިއްޔާ ކޭމްޕަށް ހަމަލާތަކެއް ދީފިއެެވެ.
ޖަބަލިއްޔާއަށް ދިން ހަމަލާގައި ޖަބަލިއްޔާ ކޭމްޕަށް ފެން ސަޕްލައި ކޮށްދޭ މައި ޓޭންކަށް އަމާޒުކޮށް ދިން ހަމަލާގައި ވަނީ އެ ޓޭންކް ހަލާކުކޮށްލައިފައެވެ. އެއީ ޖަބަލިއްޔާގެ އެންމެ ގިނަ ބަޔަކަށް ބޯފެން ފޯރުކޮށްދޭ ޓޭންކެވެ.
ޣައްޒާގެ އުތުރު ދޫކޮށް ޣައްޒާގެ ހުޅަނގަށް ބަދަލުވުމަށް ޣައްޒާގެ އުތުރުގެ ރައްޔިތުން ދަތުރު ހަދައި ތައްޔާރުވި ވަގުތު ޣައްޒާގެ މަޤާޒީ ރެފިޔުޖީ ކޭމްޕަށް ދިން ހަމަލާ ތަކެއްގައި މުޅި އެ ސަރަހައްދު ވަނީ އެއްކޮށް ފުނޑުފުނޑު ކޮށްލައިފައެވެ.
މަޤާޒީއަށް ދިން ހަމަލާއަށް ފަހު އެތަން ހަލާކުވެފައި. ފޮޓޯ: އަލްޖަޒީރާ
މިހަމަލާގެ ސަބަބުން 30 މީހުން ޝަހީދުވިއިރު 100 އެއްހާ މީހުންނަށް ވަނީ އެކިވަރުގެ އަނިޔާތައް ލިބިފައެވެ. އަދި ވެއްޓިފައިވާ ޢިމާރާތްތަކުގެ ދަށުގައި ތާށިވެފައިވާ މީހުންގެ އަދަދު ވަނީ ސާފުވާގޮތް ނުވެފައެވެ.
ޖަބަލިއްޔާ އާއި މަޤާޒީ ގެ އިތުރުން ޣައްޒާގެ އަލް ބުރެއިޖް ރެފިޔުޖީ ކޭމްްޕަށް ވެސް ވަނީ ވަރުގަދަ ހަަމަލާތަކެއް ދީފައެވެ. ބުރެއިޖް އަށް ދިން ހަމަލާއާއި އެކު 24 ގަޑިއިރުތެރޭގައި ހަަމަލާދިން 3ވަނަ ރެފިޔުޖީ ކޭމްޕެވެ.
Advertisement
This content is created and paid for by advertisers and does not involve Voice Journalists
