ޣައްޒާގައި ދިރިއުޅޭ ރައްޔިތުންނަށް އެހީތެރިވުމަށް ޣައްޒާ ރިލީފް ފަންޑަށް އެހީގެ ގޮތުގައި ލިބިފައިވާ ފައިސާގެ ތެރެއިން 200،000 ޑޮލަރު ނަގުދު ފައިސާގެ ގޮތުގައި ބެހިފައިވާނެ ކަމަށް އިންޓަނޭޝަނަލް އެއިޑްސް ކެންޕެއިން އިން ހާމަ ކޮށްފިއެވެ.

އައިއޭސީން އިއްޔެ އެކްސް ގައި ކުރި ޕޯސްޓެއްގައި ބުނެފައި ވަނީ މި ވަގުތަކީ ޣައްޒާގައި ދިރުއުޅޭ ރައްޔިތުންނަށް ވަރަށް ހިތާމަވެރި ވަގުތެއް ކަމަށާއި، މި ބިރުވެރިކަމާއި ނާމާން ކަމުގެ ތެރޭގައި ދިރިއުޅެމުންދާ ފަލަސްތީނުގެ އެންމެހާ އަޚުންނާއި އުޚުތުންނާއި އެކު ތިބިކަން ހާމަކޮށްދިނުމަކީ ވަރަށް މުހިންމު ކަމެއް ކަމަށެވެ.

އެގޮތުން އެ ޖަމިއްޔާގެ ފަރާތުން ދަނީ، އެކި ކަހަލަ ޒަހަމްތައް ލިބިފައިވާ ކުޑަކުދިންގެ ގާތަށް ޒިޔާރަތް ކޮށް އެކުދިންނާއި ވާހަކަ ދައްކާލާ ހިތް އުފާ ކޮށްދިނުމަށް މަސައްކަތް ކުރަމުން ކަމަށް ބުނެފައިވެއެވެ. އަދި މި ވަގުތަކީ އެކި ގޮތް ގޮތުން އެކުދިންނާއި ކުޅެ ސާމާކޮށް ވާހަކަ ދައްކާލަން ޖެހޭ ވަގުތުކަން އައިއޭސީގެ ޕޯސްޓުގައި ވެއެވެ.

Advertisement

އައިއޭސީން ބުނެފައިވާ ގޮތުގައި، އެ ޖަމިއްޔާއިން މިފަހުންވެސް ވަނީ އަޤްސާގެ ހޮސްޕިޓަލްގައި އެދުމަތި ކޮށްފައި ތިބި 700 ކުއްޖަކަށް ޒިޔާރަތް ކޮށް ކުޅޭ އެއްޗެހި ބަހާފައެވެ. 

ހޮސްޕިޓަލް ތަކުގައި ތިބި ކުޑަކުދިންނަށް ޒިޔާރަތް ކުރުމުގެ އިތުރުން، އެ ޖަމިއްޔާއިން ޢާއިލާ އަކަށް 500 ޑޮލަރުގެ މަގުން ޣައްޒާގެ 200 ޢާއިލާ އަކަށް ނަގުދު ފައިސާ ވެސް ބަހަމުންދާ ކަމަށް ބުނެފައިވެއެވެ. އެ ޖަމިއްޔާއިން މީގެ ކުރިންވެސް 500 ޑޮލަރުގެ މަގުން ޢައްޒާގެ 200 އާއިލާ އަކަށް ނަގުދު ފައިސާ ބަހާފައި ވެއެވެ. 

އެހެންކަމުން މިހާތަނަށް އެކު ޖުމްލަ 200،000 ޑޮލަރު ބެހިފައިވާ ކަމަަށް އެ ޖަމިއްޔާ އިން މައުލޫމާތު ދެއެވެ. 

ފައިސާގެ ގޮތުގައި ޢާއިލާތަކަށް އައިއޭސީން އެހީތެރި ވެފައި މިވަނީ ދޭރް ބަލަޙްގެ ހިސާބުގައި ޣައްޒާގެ ރައްޔިތުންގެ ފިހާރަތަކާއި ބައެއް މާރުކޭޓުތައް ހުރުމާއިއެކު، މިފައިސާގެ ބޭނުން ހިފި، އެރައްޔިތުންނަށް ކޮންމެސް ލުޔެއް ލިބިގެންދާނެތީ ކަމަށް އައިއޭސީން ބުނެއެވެ.

އިޒްރޭލުގެ އަނިޔާވެރިކަން ހައްދު ފަހަނަ އަޅާގޮސް، އެމީހުން ވަނީ ޣައްޒާގެ ރައްޔިތުން އާންމު ދިރިއުޅުމުގެ އެންމެހާ ކަންކަމުން މަހުރޫމް ކޮށްލާފައެވެ. މިގޮތުން ކަރަންޓާއި ބޯނެ ސާފު ފެނާއި ކާތަކެތީގެ ސަޕްލައިއަށް ވެސް އިސްރާއީލު ސިފައިން ބާރު ފޯރުވަމުން ދާކަން ފާހަގަ ކޮށްލެވެއެވެ. އަސާސީ ބޭނުންތަކުން މަހުރޫމް ކުރުމުގެ އިތުރުން ޣައްޒާގެ އެތައް ހާސް ރައްޔިތުންނަށް ހަމަލާދީ، ގެތަކަށާއި ހޮސްޕިޓަލް ތަކަށާއި އެނޫންވެސް އެހެން ތަންތަނަށް ބޮން އަޅައި އެމީހުން ދަނީ ސުންނާފަތި ކުރަމުންނެވެ. މި އަހަރުގެ  އޮކްޓޫބަރު މަހުގެ 7  ފެށިގެން މިހާ ހިސާބަށް ދިހަ ހާސް ބާވީސް ފަލަސްތީނު ރައްޔިތުން ވަނީ ޝަހީދުވެފައި އެވެ.