ކުޑަކުއްޖަކަށް އަނިޔާކުރި މައްސަލައިގައި، މާލޭގެ ގެއެއްގައި މެއިޑެއްގެ ގޮތުގައި ގެންގުޅޭ ބިދޭސީ އަންހެނަކު ހައްޔަރު ކޮށްފިއެވެ.

ރޭގައި ސޯޝަލް މީޑިއާގައި އާއްމުވި ވީޑިއޯ އެއްގައި ފެންނަނީ, އަންހެންމީހާ އެނދުމަތީ އިނށީންދެގެން އިނދެ ކުޑަ ކުއްޖާ ނިންދެވުމަށް ފައި ތަޅުވާ ތަނެވެ. އެ ވަގުތު ނިދުމަށް އޮތް އެކުއްޖާގެ މޫނު މަތީގައި މެއިޑް ދެތިން ހަތަރު ފަހަރަކު ޖަހާތަން ވީޑިއޯއިން ފެނެއެވެ. އެއާއިއެކު އެ ކުއްޖާ ރޯންފެށުމުން ކުއްޖާ މަސަލަސް ކުރުމަށްފަހު އަނެއްކާވެސް ކުއްޖާ ނިންދެވުމަށް އެ އަންހެންމީހާ މަސައްކަތް ކުރެއެވެ.

މި މައްސަލައާއި ގުޅިގެން ފުލުހުން ބުނީ މިދިޔަ މަހުގެ 24 ވަނަ ދުވަހު ގެއެއްގައި ގެނގުޅޭ އިންޑިއާ މީހަކު އެގޭގައި އުޅޭ ކުޑަ ކުއްޖަކަށް އަނިޔާ ކުރާ މައްސަލަ ފުލުހުންނަށް ރިޕޯޓް ކޮށްފައިވާ ކަމަށެވެ.

ކޯޓު އަމުރެއްގެ ދަށުން މިމައްސަލައާއި ގުޅިގެން ހައްޔރު ކޮށްފައިވަނީ އުމުރުން 22 އަހަރުގެ އިންޑިއާއަށް ނިސްބަތް ވާ އަންނެކެވެ. އޭނާ ގެ ބަންދަށް ގޮތެއް ނިންމުމަށް ކްރިމިނަލް ކޯޓަށް ހާޟިރު ކުރުމުން އޭނާގެ ބަންދަށް 15 ދުވަސް ވަނީ ކްރިމިނަލް ކޯޓުން ޖަހާފައެވެ.

ގޭގޭގައި ތިބޭ ބިދޭސީ މަސައްކަތް ތެރީން ކުދިންނަށް އަނިޔާކުރާ މައްސަލަތައް މީގެ ކުރިންވެސް ފުލުހަށް ހުށައަޅާފައި ވެއެވެ.