ސަރުކާރުގެ މަސް ކުންފުނި މިފްކޯގެ އޮޕަރޭޝަންތައް ވަރުގަދަ ކުރުމަށް މަސް ކިރާ އިތުރު ތިން ބޯޓެއް ގެނައުމަށް ހަމަޖެހިފައިވާކަން މިފަްކޯއިން ހާމަކޮށްފިއެވެ.
އެ ކުންފުނިން ހާމަކުރި ގޮތުގައި، މަސް ކިރުވުމުގެ ކެޕޭސިޓީ އިތުރު ކުރުމުގެ ގޮތުން މިފްކޯގެ ފްލީޓަށް އިތުރު ކުރާ ތިން ބޯޓުގެ ތެރެއިން ފުރަތަމަ ބޯޓު މިހާރު ރަޢްޖެއައުމަށް ދަތުރުފަށައިފައިވާއިރު އަނެއް ދެ ބޯޓުވެސް މި އަހަރު ނިމުމުގެ ކުރިން ރާއްޖެ އަންނާނެ ކަމުގައި މިފްކޯއިން ބުނެއެވެ.
މިފްކޯއިން އަލަށް ގެންނަ ތިން ބޯޓުގެ ތެރެއިން ފުރަތަމަ ބޯޓަކީ "ޖަޒީރާ 106" އެވެ. އެ ބޯޓު ތައިލޭންޑުން ރާއްޖެ އައުމަށް ހަމަޖެހިފައި ވަނީ މިމަހުގެ 19 ވަނަ ދުވަހުއެވެ. އަނެއް ދެ ބޯޓު، "ޖަޒީރާ 104" އާއި "ޖަޒީރާ 105" ވެސް އަހަރު ނިމުމުގެ ކުރިން ރާއްޖެއަށް ބަނދަރު ކުރާނެ ކަމުގައި މިފްކޯއިން ވަނީ ބުނެފައެވެ.
މިފްކޯއިން އަލަށް އޮޕަރޭޝަނަށް ގެންނަ ބޯޓު ތަކުގެ ތެރެއިިން ޖަޒީރާ ސީރީޒްގެ މަސްކިރާ އެ ބޯޓުތަކަކީ ދުވާލަކު 60 ޓަނު ބްރައިން ފްރީޒް ކުރުމުގެ ގާބިލްކަން ލިބިފައިވާ، އަދި 200 ޓަނު މަސް ރައްކާކުރުމުގެ ގާބިލްކަން ލިބިފައިވާ ބޯޓުތަކެއް ކަމަށް މިފްކޯއިން ބުނެއެވެ. އެ ތިން ބޯޓު އެ ކުންފުނީގެ އޮޕަރޭޝަާއި ގުޅުމުން މިފްކޯއަށް ދުވާލަކު އިތުރަށް 180 ޓަނު މަސް ގަތުމުގެ ގާބިލްކަން ލިބިގެންދާނެ ކަމަށް އެ ކުންފުނިން ބުނެއެވެ.
މި ހިނގަމުންދަ ަސް އަހަރުގެ ތެރޭގައި ކެރިއަރ ބޯޓެއް ހިމެނޭހެން ޖުމުލަ 5 ބޯޓެއް މިފްކޯގެ ފްލީޓަށް ވަނީ އިތުރު ކުރެވިފައެވެ.
Advertisement
This content is created and paid for by advertisers and does not involve Voice Journalists
