ފާއިތުވި 24 ގަޑިއިރުތެރޭގައި ޣައްޒާގެ ދެ ހޮސްޕިޓަލަކަށާއި ދެ ރެފިޔުޖީ ކޭމްޕަކަށް ހަމަލާދީފިއެވެ.
އަލްޖަޒީރާގައި ބުނެފައިވަނީ ފާއިތުވި 24 ގަޑިއިރުތެރޭގައި ޣައްޒާގެ އަލް ޝިފާ ހޮސްޕިޓަލާއި އިންދޮނީސީ ހޮސްޕިޓަލްގެ ގޯތިތެރެއަށް އިޒްރާއިލުން ހަމަލާދީފައިވާ ކަމަށެވެ.
މީގެ އިތުރުން ޖަބަލިއްޔާ ރެފިޔުޖީ ކޭމްޕަށާއި، ނުސެއިރަތް ރެފިޔުޖީ ކޭމްޕަށާއި ޚާން ޔޫނިސް އަށް ހަމަލާދީފައިވާ ކަމަށްވެސް އަލްޖަޒީރާގައި ބުނެފައިވެއެވެ.
އަލް އަޤްޞާ މާޗީސް ހޮސްޕިޓަލްގެ ޖެނެރަލް މެނޭޖަރ އިޔާދް އަބޫ ޒާހިރް އަލްޖަޒީރާ އަށް ބުނެފައިވަނީ އެހޮސްޕިޓަލަށް މެޑިކަލް ސަޕްލައިސް، ފެން، ތެޔޮ އަދި ބަލިމީހުންނަށާއި އެހޮސްޕިޓަލުގައި ވަގުތީ ހިޔާވަހިކަން ހޯދަމުންދާ މީހުންނަށް ބޭނުންވާ ކާބޯތަކެތި ބޭނުން ވެފައިވާ ކަމަށެވެ.
މީގެ އިތުރުން އިޔާދް އަލް ޖަޒީރާ އަށް ވިދާޅުވެފައިވަނީ އެހޮސްޕިޓަލްގައި މިހާރު ހުރި ތެޔޮ ބޭނުން ކުރަމުންދަނީ ކޮންމެހެން އެންމެ ޙާލުދެރަ، މެޝިނު ތަކުގެ ބޭނުން އެންމެ ބޮޑަށް ޖެހިފައިވާ ޕޭޝަންޓުންނަށް އިސްކަން ދީގެން ކަމަށެވެ.
މީގެ އިތުރުން އެހޮސްޕިޓަލްގެ ކެޕޭސިޓީ އަށް ވުރެ ގިނަ ޕޭޝަންޓުން ސާޖަރީއަށް ބޭނުން ޖެހިފައިވާ ކަމަށެވެ.
ހަނގުރާމައަށް 33 ދުވަސް ވެފައިވާ އިރު ޝަހީދުންގެ ޢަދަދު 10،328 އަށް ވަނީ އަރައިފައެވެ. ޒަޚަމްވެފައިވާ މީހުންގެ ޢަދަދު 26،000 އާއި ވަނީ ގާތްކޮށްފައެވެ.
Advertisement
This content is created and paid for by advertisers and does not involve Voice Journalists
