ދިވެހިރާއްޖޭގެ އިސްލާމީ ޔުނިވަރސިޓީގެ ފަރާތުން އިންތިޒާމުކޮށްގެން ބާއްވާ އައިޔޫއެމް ހައިބްރިޑް ފޮތް މައުޒަރު 2023 މާދަމާ ފެށުމަށް ތައްޔާރު ވެއްޖެއެވެ. 

މާދަމާއިން ފެށިގެން މި މަހުގެ 12 ވަނަ ދުވަހުގެ ނިޔަލަށް، ތަފާތު އެކި އުމުރުތަކާއި ގުޅޭ ގިނަ ހަރަކާތްތަކަކާއެކު ކުރިއަށް ގެންދިއުމަށް ހަމަަޖެހިފައިވާ މި މައުރަޒު ކޮންމެ ދުވަހެއްގެވެސް ހެނދުނު 8ން ރޭގަނޑު 12 އާއި ދެމެދު ހުޅުވިފައި ހުންނާނެ ކަމަށް މި މައުރަޒު ރާވާ ހިންގާ އައިޔޫއެމް ގެ ލައިބްރަރީން މައުލޫމާތު ދެއެވެ. 

މި އަހަރުގެ ފޮރް މައުރަޒުގެ ޕޯސްޓަރެއް 

އޮންލައިކޮށް ފޮތް ގަތުމާއި އަދި މައުރަޒުތެރެއިންވެސް ތަފާތު ކުޅަދާނަ އެކި މުސައްނިފުންގެ ފޮތްތަކާއި އެކި ބުކްޝޮފްތަކުގެ ފޮތް މޭޒުތައްވެސް ހިމެނޭހެން ކުރިއަށް ގެންދާ މި ފޮތް މައުރަޒުގެ ތެރެއިން އޮންލައިންކޮށް އަދި ވަގުތުންވެސް ތަފާތު އެކު ހަރަކާތްތައް ކުރިއަށްދާނެ ކަމުގައި އެފަރާތުން މައުލޫމާތު ދެއެވެ. 

މީގެ އިތުރުން މި މައުރަޒު ކުރިއަށްދަ ދުވަސްތަކުގައި ކުޑަކުދިންނަށް ޚާއްސަ ކުރެވިގެން އެކުދިންގެ އުމުރުފުރާތަކާއި ގުޅޭގޮތަށް ކުޅިވަރާއި ކިޔެވުމުގެ އިތުރުން ހުނަރުދައްކާލުމާއި ގުޅުން ހުރި ހަރަކާތްތައް ކުރިއަށް ގެންދިއުމަށް ވަނީ ރޭވިފައެވެ. އޭގެތެރެއިން ހީނާ އެޅުމުގެ ހަރަކާތްތަކާއި ބުކް މާކް ފަރުމާކުރުމުގެ މުބާރާތްފަދަ ހަރަކާތްތައް ފާހަގަ ކޮށްލެވެއެވެ.

މީގެ އިތުރުންވެސް މި މައުރަޒުގައި ކުރިއަށް ގެންދިއުމަށް ހަމަޖެހިފައިވާ ހަރަކާތްތަކުގެ ތެރޭގައި ޢިލްމީ މުނާޤަޝާ އާއި ފޮތުގެ މުސައްނިފު ހަރަކާތުގެ ފޮތް ހަދިޔާ ކުރުމުގެ ހަރަކާތްތައް ފާހަގަކޮށްލެވެއެވެ. 

ރާއްޖެއާއި ރާއްޖެއިން ބޭރުގެ މުސައްނިފުން އެކި ދާއިރާ ތަކުން ލިޔެފައިވަ ފޮތްތައް އެއް ފުރާޅެއްގެ ދަށުން ހެޔޮ އަގުގައި ބައްލަވައިގަތުމަށް އައިޔޫއެމް ހައިބްރިޑް ފޮތް މައުޒަރު 2023 ޚިޔާރު ކުރުމަކީ މި ހަރަކާތް ރާވާ ހިންގާ ފަރާތުގެ އެދުމެކެވެ.