ސޫޖީ ގެ ހުރިހާ ވައްތަރަކީ ވެސް ތައްޔާރު ކޮށްލަން ފަސޭހައަށް، އަނގަޔަށް މީރު އެއްޗެކެވެ. މިއަދު ވޮއިސް ގެ ބަދިގެއިން މި ގެނެސްދެނީ ފާރޮށިން މީރުކޮށް ސޫޖީ ތައްޔާރުކުރާނެ ގޮތެވެ. 

3 ފާރޮށި

1 ޖޯޑު ކަނަމަދު (ދިގަށް ވާގޮތަށް ކޮށާފައި) 

1 ދަޅު ގެރިކިރު

1 ފުލް ކްރީމް މިލްކް ޕެކެޓް (ބޮޑު) 

2 ރާނބާފަތް (1/2 އިންޗި އެތިކޮޅު ކޮޅަށް ކޮށާފައި)

1 ޖޯޑު ފެން

1/4 ޖޯޑު މާފެން 

1) ތަށްޓަކަށް ފާރޮށި އެޅުމަށްފަހު އެއް ޖޯޑު ފެނުގައި އެ ފާރޮށު ފޯ ކުރަން ބަހަށްޓާށެވެ. 

2) ދެން ތެއްޔަކަށް ކިރު ޕެކެޓް އެޅުމަށްފަހު މަޑު ގިނީގައި ކިރު ކައްކާލާށެވެ. ކައްކާއިރު ރާނބާފަތްކޮޅުވެސް ލައިގެން ކައްކާށެވެ. 

3) ކިރު އެތި ކެކި ގަތުމުން އޭގެ ތެރެއަށް ގެރިކިރު ވެސް އަޅާލައި ރަނގަޅަށް ހަލުވާލާފައި، ރާނބާފަތްކޮޅު ތެލިން ނަގާށެވެ. 

4) ދެން ފާރޮށި ކޮޅު މިކްސަރުން ރަނގަޅަށް ހިމުންކޮށް މުގުރާލުމަށްފަހު، އެވެސް އަޅާލާށެވެ. ޕިރިނީ ރަނގަޅަށް އޮލަވުމުން މާފެން ފޮދާއި ކަނަމަދު އަޅާލާފައި އެކުލަވާލުމަށްފަހު އުނދުން ނިއްވާލާށެވެ. ފޮނި މަޑުހެން ހީވާ ނަމަ ކުޑަ ހަކުރު ކޮޅެއް އަޅާލާށެވެ.