ކެއާ ސޮސައިޓީގެ ޚިދުމަތް ފެށިތާ 25 އަހަރު ފުރުމާއި ގުޅިގެން ތަފާތު އެކި ހަރާކާތްތަކެއް ކުރިއަށް ގެންދިޔުމަށް ނިންމައިފިއެވެ. 

މިއަދު 9 ނޮވެންބަރ 2023 އަކީ ކެއަރ ސޮސައިޓީއަށް 25 އަހަރު ފުރޭ ދުވަސް ކަމަށްވާއިރު، 25 އަހަރު ފުރުމާއި ގުޅިގެން އެ ކެއަރ ސޮސައިޓީން، މައިގަނޑު 3 ކަމެއް ރާވާފައިވާ ކަމަށް އެ ޖަމިއްޔާ އިން ބުނެފައިވެއެވެ. 

އެގޮތުން އަހަރީ ދުވަސް ފާހަގަކުރަން ފެށުމުގެ ގޮތުން އެންމެ ފުރަތަމަ ބާއްވަން ހަމަޖެހިފައިވަނީ ކުޑަކުދިންގެ ހަވީރެކެވެ. އެ ހަވީރު ބޭއްވުމަށް ހަމަޖެހިފައިވަނީ މިއަދު ހަވީރު 4:00 ގައި ސޯޝަލް ސެންޓަރ ގައެވެ. ކުޑަކުދިންގެ މި ހަވީރު ޝަރަފްވެރި ކޮށްދެއްވާނީ ނައިބު ރައީސް ފައިސަލް ނަސީމް ކަމަަށް އެ ޖަމިއްޔާ އިން މައުލޫމާތު ދެއެވެ.

Advertisement

ކެއަރ ސޮސައިޓީން ބުނީ، މިހަވީރުގައި ކުޑަކުދިންގެ ސްޓޭޖް ހަރަކާތްތަކާއި ކުޅިވަރު ސްޓޯލްތައް އޮންނާނެ ކަމަށެވެ.

އަހަރީ ދުވަހުގެ ހަރަކާތްތަކުގެ ތެރެއިން ކެއަރ ސޮސައިޓީން ރަވާފައިވާ އަނެއް ކަމަކީ ޓީިވީ އަދި ރޭޑިއޯ މެދުވެރިކޮށް ގެނެސްދޭ ޕްރޮގްރާމްތައް ކަމަށްވާއިރު މިޕްރޮގްރާމް ތަކަކީ ނުކުޅެދުންތެރިކަން ހުންނަ ފަރާތްތަކުގެ ހައްޤުތަކާ އެފަރާތްތަކަށް ޚިދުމަތް ދިނުމުގައި އަދި ކުދިންނަށް ތަޢުލީމު ދިނުމާ ބެލެހެއްޓުމުގައި މުޖުތަމަޢަށް ކޮންމެހެން އެނގެންޖެހޭ ކަންތައްތަކުގެ މައްޗަށް ބަލާލާ ތައްޔާރު ކުރެވިފައިވާ ޕްރޮގްރާމް ތަކެއް ކަން އެ ޖަމިއްޔާއިން ފާހަގަކުރެއެވެ. 

އަދި ޕްރޮގްރާމްތައް ކުރިއަށް ދާނީ 2024 ވަނަ އަހަރުގެ ޖެނުއަރީ އިން ފެށިގެން ޑިސެމްބަރ ގެ ނިޔަލަށް ކަމަށްވެސް ބުނެފައިވެއެވެ.

ކެއަރ ސޮސައިޓީން ބުނެފައިވާ ގޮތުގައި އަހަރީ ދުހަވުގެ އެންމެ ކުލަގަދަ ހަފްލާއެއްގެ ގޮތުގައި ރޭވިފައިވަނީ "ގާލާ ނައިޓް" އެވެ. މި ހަފްލާ ބޭއްވުމަށް ރޭވިފައިވަނީ އަންނަ އަހަރުގެ ޖެނުއަރީ މަހުގެ ފަހުކޮޅު ކަމާށާށ މި ހަފްލާ އަކީ ކެއާ ސޮސައިޓީގެ 25 އަހަރުގެ ދަތުރުގެކާމިޔާބީއާއ،ި އެހީތެރިވެދެއްވި އެންމެހާ ފަރާތްތަކާ އަދި ކެއާ ސޮސައިޓީގެ ކުރިމަގުގައި ކުރާނެ މުހިއްމު ކަންތައްތައް އިއުލާން ކުރުމަށް ބާއްވާ ހަފްލާއެއް ކަމަށް އެ ޖަމިއްޔާއިން މައުލޫމާތު ދެއެވެ.

ކެއާ ސޮސައިޓީ އަކީ މިހާރުވެސް ތަފާތު އެކި ޕްރޮގްރާމްތައް ހިންގާ ޖަމިއްޔާއެކެވ.ެ އެގޮތުން މާލެ އަދި ހުޅުމާލެ ފޭސް 2 ގައި ކެއާ ސޮސައިޓީގެ ގޮފި ހިނގަމުން ދެއެވެ.