ފަލަސްޠީނުގެ ޣައްޒާއަށް އިޒްރާއިލުން ޓެރަރިސްޓް ހަމަލާދޭތާ 36 ދުވަސް ވެފައިވާއިރު އެ ހަމަލާތަކުގައި ޝަހީދުވި މީހުންގެ ޢަދަދު މިހާރު ވަނީ 11،000 އިން މައްޗަށް އަރައިގެން ގޮސްފައެވެ.

ޣައްޒާއަށް އިޒްރާއިލުން ދެމުންދާ ހަމަލާތަކުގައި 11،078 މީހަކު ޝަހީދު ވެފައިވާއިރު ޝަހީދުންގެ ތެރޭގައި 4506 ކުޑަކުދިން ހިމެނެއެވެ.

އަލްޖަޒީރާއިން ރިޕޯޓުކުރި ގޮތުގައި ޣައްޒާއަށް ދެމުންދަ ހަމަލާތަކުގައި މިހާތަނަށް 27،490 މީހަކު ޒަޚަމްވެފައި ވާއިރު، އޭގެ ތެރޭގައި 8،633 ކުޑަކުދިން ހިމެނެއެވެ.

Advertisement

މީގެ އިތުުރުން 2700 އަށް ވުރެ ގިނަ މީހުން ގެއްލިފައިވާއިރު، އޭގެ ތެރޭގައިވެސް 1500 އަށް ވުރެ ކުދަކުދިން ހިމެނޭ ކަމަށް އަލްޖަޒީރާގައި ރިޕޯޓުކޮށްފައި ވެއެވެ.

ޣައްޒާގެ އިތުުރުން ހުޅަނގު އައްސޭރީގައި ވެސް އެތަކެއް ޖަރީމާތަކެއް އިޒްރާއިލްގެ ޔަހޫދީން އަންނަނީ ހިންގަމުންނެވެ.

އެގޮތުން 7 އޮކްޓޫބަރުން ފެށިގެން މިއަދާއި ހަމައަށް ހުޅަނގުއައްސޭރިން 183 މީހަކު ޝަހީދުކޮށްލައިފައިވާއިރު އޭގެ ތެރޭގައި 44 ކުޑަކުއްޖަކު ވެސް ހިމެނެއެވެ. އަދި 2400 މީހަކު ވަނީ ހުޅަނގުއައްސޭރިއަށް ދިން ހަމަލާތަކުގައި ޒަޚަމްވެފައެވެ.