އިޒްރާއިލުން ފަަލަސްޠީނުގެ ޣައްޒާއަށް ދެމުންދާ ހަމަލާތަކުގެ ތެރެއިން އަލް ޝިފާއަށް ދިން ހަމަލާގެ ސަބަބުން އެ ހޮސްޕިޓަލްގެ ހިތުގެ ބަލީގެ ވޯޑް ހަލާކުވެއްޖެއެވެ.
އަލްޖަޒީރާގައި ފަލަސްޠީނުގެ ހެލްތް އޮފިސަރަަކަށް ހަވާލާދީ ބުނެފައިވަނީ އިޒްރާއިލްގެ ވައިގެ ހަމަލާގެ ސަބަބުން އަލް ޝިފާގެ ހިތުގެ ބަލީގެ ވޯޑް ހަލާކުވެފައި ވާކަމަށެވެ.
“އިޒްރާއިލުން އަލް ޝިފާގެ ހިތުގެ ބަލީގެ ވޯޑް އެއްކޮށް ހަލާކުކޮށްލައިފި، ދެ ފަންގިފިލާގެ ޢިމާރާތް އެއްކޮށްހެން ބިމާއި ހަމަވެފައި،” ފަލަސްޠީނުގެ ހެލްތް މިނިސްޓްރީގެ ޑެޕިޔުޓީ ވިދާޅުވެފައިވެއެވެ.
އިޒްރާއިލުން އަލް ޝިފާއަށް ދިން ހަމަލާގެ ސަބަބުން އެ ހޮސްޕިޓަލްގެ ކަރަންޓު ކެނޑުމުގެ ސަބަބުން ފަރުވާދިނުން ވަނީ ގާތްގަނޑަކަށް ހުއްޓިފައެވެ.
އޮކްސިޖަން ނުލިބުުމުގެ ސަބަބުން އެހޮސްޕިޓަލްގެ ނިކޫގައި ތިބި ދުވަސްނުފުރާ ވިހައިފައި ތިބި ކުދިންގެ ފުރާނަ ވަނީ ނުރައްކަލަށް ހުށައެޅިފައެވެ. ރޭ އޭގެ ތެރެއިން ދެކުއްޖަކު ވަނީ ނިޔާވެފައެވެ.
އަލް ޝިފާ ހޮސްޕިޓަލަށް އަމާޒުކޮށް ހަމަލާދީފައި ވާއިރު، ޣައްޒާގެ އެހެން ހޮސްޕިޓަލް ތައްވެސް ހުރީ ނުރައްކާތެރި ހާލަތެއްްގައެވެ. ގިނަ ހޮސްޕިޓަލް ތަކުގައި އަނިޔާވާ މީހުންނަށް ފަރުވާ ދެމުންދަނީ ހޮސްޕިޓަލް ތަކުގެ ބިންމަތީގައެވެ.
ޣައްޒާގެ އަލް އަހްލި ހޮސްޕިޓަލުން ލޭ ހުސްވެ އެ ހޮސްޕިޓަލުގައި ޒަޚަމްވެގެން ފަރުވާ ހޯދަމުންދާ މީހުން ލެއަށް ބޭނުންވެ ލޭ ނޭޅިގެން ނިޔާވަމުންދާ ކަމަށެވެ.
Advertisement
This content is created and paid for by advertisers and does not involve Voice Journalists
