އިޒްރާއިލުން ޣައްޒާގެ އެންމެ ބޮޑު ހޮސްޕިޓަލް ކަމަށްވާ ޣައްޒާ ހޮސްޕިޓަލަށް ދިން ހަމަލާގައި ޝަހީދުވެފައި ތިބި މީހުންގެ ހަށިތައް ކޯޓްޔާޑް ތެރެއަށް ކުއްތާތައް ކެއުމަށް ދޫކޮށްލުމަށް މަޖުބޫރުވެއްޖެއެވެ.
އަލް ޝިފާ ހޮސްޕިޓަލްގައި ރައްކާތެރިކަން ލިބޭނެ ކަމުގެ އުއްމީދުގައި ހުރި ފަލަސްޠީނުގެ ނޫސްވެރިޔަކަށް ހަވާލާދީ ޤުދުސް ނެޓްވޯކްގައި ބުނެފައިވަނީ އެހޮސްޕިޓަލުގެ ކޯޓްޔާޑް ތެރޭގައި ހުރި ޝަހީދުންގެ ހަށިތައް ކުއްތާކެޔަސް އެ ހަށިތައް އެހެން ދޫކޮށްލުމަށް މަޖުބޫރުވެފައިވާކަމަށެވެ. ހޮސްޕިޓަލްގެ ކޯޓްޔާޑާއި ހަމައަށްވެސް އެއްވެސް މިހަކަށް ނުނިކުމެވޭ ކަމަށް އޭނާ ވަނީ ބުނެފައެވެ.
“އަލް ޝިފާގެ ޙާލަތު ވަނީ ބަޔާންކޮށްދޭން ދަތި ޙާލަތަކަށް ވެއްޓިފައި، އަހަރެމެން މިތިބީ ބަނޑުހައި ހޫނުކަން ފިލުވަން ރޮއްޓެއްގެ މިންވަރުވެސް ނެތޭ ހިސާބުގައި، ޝިފާ ކޮމްޕްލެކްސްގެ ކޯޓުޔާޑް ތަކުގައި ހުރި ޝަހީދުންގެ ހަށިތައް ކުއްތާތައް ކެއުމަށް ދޫކޮށްލަން ވަނީ މަޖުބޫރުވެފައި، އެއްވެސް މީހަކަށް އެ ހަށިތަކާއި ހަމައަށް ދެވޭކަށް ނެތް” އެނާ ބުނެފައިވެއެވެ.
އިޒްރާއިލް ސިފައިން ވަނީ އަލް ޝިފާ ހޮސްޕިޓަލް ވަށައިގެން އެމީހުންގެ ފައުޖު އަތުރައިލައިފައެވެ. އަދި ޝިފާ ހޮސްޕިޓަލުން ބޭރަށް މީހަކު ނުކުންނަމަ އިޒްރާއިލްގެ ސްނައިޕަރުން ދަނީ ބޭރަށް ނުކުންނަ މީހުންގެ ގަޔަށް ބަޑިޖަހަމުން ކަމަށް އަލްޖަޒީރާގައި ބުނެފައިވެއެވެ.
އިޒްރާއިލުން އަލް ޝިފާއަށް ދިން ހަމަލާގެ ސަބަބުން އެހޮސްޕިޓަލުގެ ކަރަންޓު ކެނޑުމުގެ ސަބަބުން އެހޮސްޕިޓަލުގެ އައިސީޔޫގައި ތިބި ބަލިމީހުން ވަނީ ނިޔާވެފައިކަމަށް ފަލަސްޠީނުގެ ހެލްތް މިނިސްޓްރީ އިން ވަނީ އިޢްލާނު ކޮށްފައެވެ. އަދި އެހޮސްޕިޓަލުގެ ނިކޫ ގައި ފަރުވާ ހޯދަމުންދިޔަ ދުވަސްނުފުރާ ވިހައިފައި ތިބި 37 ކުދިންގެ ތެރެއިން 9 ކުއްޖަކު ވެސް ވަނީ ނިޔާވެފައި ކަމަށް އަލްޖަޒީރާގައި ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
