ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އަށް ބޭރުގެ ބައެއް އިދާރާތަކުން ލިބޭ ފައިސާ އަމިއްލަ އެކައުންޓްތަކަށް ޖަމާކޮށް ބޭނުންކޮށްފައިވާކަމުގެ ހެކި ބޭންކް ސެޓޭޓްމަންޓްތަކުން ފެންނަން ހުރި ކަމަށް ފުލުހުން ހާމަކޮށްފި އެވެ.
ކުރިން އެފްއޭއެމުން ނެރުނު ބަޔާނުގައި ބުނެފައިވަނީ އެފްއޭއެމަކީ މިނިވަން އޮޑިޓަރުން އޮޑިޓްކުރާ އިދާރާއެއްކަމަށާއި، އޮޑިޓް ރިޕޯޓްތަކަކީ ފީފާ އަދި އޭއެފްސީއާ ހިއްސާކުރާ ރިޕޯޓްތަކެއްކަމަށެވެ. އެހެންކަމުން މާލީ ގޮތުން އެ އިދާރާއިން ކަމެއް ގޯސްކޮށް ކުރާނަމަ އެކަން ރިޕޯޓްތަކުން ފެންނަން އޮންނާނެކަމަށް ބުނެފައިވެއެވެ.
އެހެންނަމަވެސް މިއަދު މީޑިއާއަކަށްދިން އިންޓަވިއުއެއްގައި އެސިސްޓެންޓް ކޮމިޝަނަރު އޮފް ޕޮލިސް މުހައްމަދު ރިޔާޒް ވިދާޅުވީ ތަހުގީގުގައި މިހާތަނަށް ކުރި މަސައްކަތުން، އެފްއޭއެމަށް ބޭރުގެ ބައެއް އިދާރާތަކުން ލިބޭ ފައިސާ އަމިއްލަ އެކައުންޓްތަކަށް ޖަމާކޮށް ބޭނުންކޮށްފައިވާކަން އެނގޭ ސާފު ހެކި ބޭންކް ސްޓޭޓްމަންޓްތަކުން ފެންނަން އެބަހުރި ކަމަށެވެ.
އަދި އެ އިދާރާގެ މުވައްޒަފުންނާއި ކުލަބުތަކަށް ދޭންޖެހޭ ފައިސާ ނުދައްކާ މައްސަލަތަކެއް ވެސް އަންނަނީ ފެންމަތިވާން ފަށާފައިވާއިރު އެފްއޭއެމްއަށް ފާޑުކިޔުން އަމާޒުވެފައިވަނީ ގިނަ ކުންފުނިތަކަކަށް ދައްކަންޖެހޭ ފައިސާ ދައްކާފައިނުވާތީއެވެ. މީގެއިތުރުން، އެފްއޭއެމްއަށް މިހާރު އިތުބާރު ނެތްކަމަށް ބުނެ ގިނަބަޔަކު އަންނަނީ ސޯޝަލް މީޑިޔާގައި ޚިޔާލުފާޅު ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
