މެޖޯރިޓީ މެންބަރުން ސޮޔާއެކު މަގާމުން ވަކިކުރަން ހުށަހަޅާ ހިސާބުން މަގާމުން އިސްތިއުފާ ދެއްވާނެ ކަމަށް މަޖިލީހުގެ ރައީސް މުހައްމަދު އަސްލަމް ވިދާޅުވެއްޖެއެވެ.
އަސްލަމް މިފަދައިން ވިދާޅުވީ މިއަދު ރައްޔިތުންގެ މަޖިލީހުގައި މިއަދު ކުރިއަށްދިޔަ ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަށް ޖަވާބު ދެއްވަމުންނެވެ.
ރައީސް ނަޝީދުގެ އިތުބާރު ނެތްކަމުގެ މައްސަލަ ދިގުލައިގެން ދިޔައީ މަޖިލީހުގެ ގަވައިދުގައި ހުރި އުނިކަމެއްގެ ސަބަބުންކަން ފާހަގަކޮށް ގަވައިދު އިސްލާހު ކުރުމުގެ މަސައްކަތް ކުރައްވާނަންތޯ ކުރި ސުވާލަށް ޖަވާބު ދެއްވަމުން އަސްލަމް ވިދާޅުވީ ރައީސް ނަޝީދުގެ މައްސަލަ ދިގުލައިދިޔައީ މަޖިލިސް ގަވައިދު މާނަކުރުމުގައި ދިމާވި ކަމަކާ ގުޅިގެން ކަމަށާއި، އެނޫން ގޮތަކަށްވެސް ގަވައިދު މާނަކުރެވިދާނެ ކަމަށް ދެކިލައްވާ ކަމަށެވެ. އެ މައްސަލަ އެހިސާބަށް ދިޔައީ ގާނޫނާ ގަވައިދުގެ މައްސަލައިން އެކަނި ނޫން ކަމަށާއި ބައެއްފަހަރު އަމަލުކުރެވޭ ގޮތުންވެސް އެފަދަ ކަންކަން ދިމާވާ ކަމަށް ވިދާޅުވިއެވެ.
"އަޅުގަނޑާ ހެދިއެއް މަޖިލީހުގެ މަސައްކަތް ހުއްޓިގެން ދާކަށް ނުޖެހޭނެ." އަސްލަމް ވިދާޅުވިއެވެ.
އޭނާގެ އިތުބާރު ނެތްކަމަށް މަޖިލީހުގެ މެޖޯރިޓީ މެންބަރުން ސޮއިކޮށް މައްސަލަ ހުށަހަޅާކަން އެނގޭ ހިސާބުން މަޖިލީހުގެ ރައީސްގެ މަގާމުން އިސްތިއުފާ ދެއްވާނެ ކަމަށް އަސްލަމް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
