ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ، ޑރ. މުހައްމަދު މުއިއްޒު ހަވާލު ކުރެއްވި ބުރަ މަސްއޫލިއްޔަތު އިހުލާސްތެރިކަމާއި އެކީ އަދާ ކުރައްވާނެ ކަމަށް އާ ސަރުކާރުގެ ޑިފެންސް މިނިސްޓަރ، މުހައްމަދު ޣައްސާން މައުމޫން ވިދާޅުވެއްޖެއެވެ.
ޑިފެންސް މިނިސްޓަރުގެ މަގާމަށް އައްޔަން ކުރެއްވުމާއި ގުޅިގެން ޣައްސާން ކުރެއްވި ޓުވީޓެއްގައި ވިދާޅުވީ، ޑިފެންސް މިނިސްޓަރު ކަމުގެ މަސްޢޫލިއްޔަތަކީ ބުރަ މަސްއޫލިއްޔަތެއް ކަމަށާއި ނަމަވެސް ގާބިލިއްޔަތު ތަންދިން އެންމެ މަތީ މިންވަރަކަށް އިހުލާސްތެރިކަމާއި އެކު މަޤާމުގެ މަސްޢޫލިއްޔަތު އަދާ ކުރައްވާނެ ކަމަށެވެ.
https://x.com/mgmaumoon/status/1725746373826596908?s=20
އަޅުގަނޑަށް އިތުބާރު ކުރައްވާ ތިޔަ ހަވާލު ކުރެއްވި ބުރަ މަސްއޫލިއްޔަތު އަޅުގަނޑުގެ ގާބިލިއްޔަތު ތަންދިން އެންމެ މަތީ މިންވަރަކަށް އިހުލާސްތެރި ކަމާއި އެކު އަދާ ކުރާނެ ވާހަކަ ޝުކުރުވެރިކަމާއި އެކު ދަންނަވަން
ޑިފެންސް މިނިސްޓަރު ޣައްސާން
ޣައްސާނަކީ ޔުނިވަރސިޓީ އޮފް ލަންޑަންގައި ބަޔޮމެޑިކަލް ސައިންސް ރިސާޗްގެ ދާއިރާއިންނާ، މޮލެކިއުލާ ބަޔޮލޮޖީގެ ދާއިރާއިން، ތައުލީމް ހާސިލް ކުރައްވާފައިވާ ބޭފުޅެކެވެ. އޭނާ ފާހަގަވެގެން ގޮސްފައި ވަނީ ކުޅަދާނަ ވާހަކަދެއްކުންތެރިއެއްގެ ގޮތުގައެވެ. މީގެ އިތުރުން ޑިފެންސް މިނިސްޓަރުކަމުގެ ނަޤާމާއި ހަވާލުވެ ވަޑައިގެންނެވި އިރު އެ މަނިކުފާނު ހުންނެވީ، ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރެއްގެ ގޮތުގައެވެ.
Advertisement
This content is created and paid for by advertisers and does not involve Voice Journalists
