ދިވެހިރާއްޖޭގެ އިޤްތިޞާދު ޑައިވަރސިފައި ކުރުމަށްޓަކައި ވިސިޓަރސް އިކޮނުމީ ކައުންސިލްގެ ނަމުގައި ރައީސުލް ޖުމްހޫރިއްޔާ ޑރ މުޙައްމަދު މުޢިއްޒު ޚާއްސަ ކައުންސިލެއް އެކުލަވާލައިފިއެވެ. 

ޚުދު ރައީސުލްޖުމްހޫރިއްޔާ ޑރ މުހައްމަދު މުޢިއްޒު ޗެއަރކަން ކުރައްވާ، އުފެއްދެވި މި ކައުންސިލްގެ ބޭނުމަކީ ދިވެހިރާއްޖޭގެ އިޤްތިޞާދު އެއްކަމަކަށް ބަރޯސާ ނުކޮށް އިގްތިޞާދު ޑައިވަރސިފައި ކުރުން ކަމުގައި ވިސިޓަރސް ކައުންސިލްާއި ގުޅޭގޮތުން މައުލޫމާތު ދެއްވުމަށް މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އެ ކައުންސިލްގެ ކޯޗެއަކަން ކުރައްވާ އިކޮނޮމިކް މިނިސްޓަރ މުޙައްމަދު ސަޢީދު ވިދާޅުވިއެވެ. 

މިއަދު އެކުލަވާލި ވިސިޓަރސް އިކޮނުމީ ކައުންސިލްގެ މެމްބަރުން 

ކައުންސިލްގެ ޗެއަރ - ރައީސުލްޖުމްހޫރިއްޔާ ޑރ މުޙައްމަދު މުޢިއްޒު 

ކައުންސިލްގެ ކޯޗެއަރ:

އިކޮނޮމިކް މިނިސްޓަރ މުޙައްމަދު ސަޢީދު

ޓުއަރިޒަމް މިނިސްޓަރ އިބްރާހިމް ފައިސަލް

ކައުންސިލްގެ މެމްބަރުން:

އެޑިއުކޭޝަން މިނިސްޓަރ ޑރ އިސްމާޢީލް ޝަފީޢު

ހެލްތް މިނިސްޓަރ ޑރ ޢަބްދުﷲ ޚަލީލް

ހަޔަ އެޑިއުކޭޝަން މިނިސްޓަރ ޑރ މަރްޔަމް މާރިޔާ

ސްޕޯރޓްސް މިނިސްޓަރ ޢަބްދުالله ރާފިޢު

ހެރިޓޭޖް މިނިސްޓަރ އާދަމް ނަޞީރު އިބްރާހީމް 

ޓްރާންސްޕޯރ މިނިސްޓަރ މުޙައްމަދު އަމީން

ސައީދު ވިދާޅުވި ގޮތުގައި ވިޒިޓާ ކައުންސިލުގެ މަގުސަދަކީ އިގުތިސޯދު ޓޫރިޒަމަށް ބަރޯސާވުން ކުޑަކުރުމާ އެކުއެކީގައި ޓޫރިޒަމް ސިނާއަތް ވެސް ސިންދަފާތުކޮށް، އާ ވައްތަރުތަކުގެ ޓޫރިޒަމް ފައްކާކުރުމެވެ. އޭގެ މިސާލުތައް ދެއްވަމުން ސްޕޯޓްސް ޓޫރިޒަމާއި އެޑިޔުކޭޝަން ޓޫރިޒަމާއި މެޑިކަލް ޓޫރިޒަމްގެ އިތުރުން ހެރިޓޭޖް އޭނާ ފާހަގަކުރެއްވިއެވެ.

މި މަސައްކަތާ އެކީގައި ސަރުކާރުގެ އަމާޒަކީ ޓޫރިޒަމުން އިގުތިސޯދަށް ވަންނަ ފައިސާ ހަ ބިލިއަން ޑޮލަރަށް އިތުރު ކުރުމެވެ. މިއީ މިހާރު ޖުމްލަ އިގުތިސޯދީ އުފެއްދުންތެރިކަމާ އެއްވަރުގެ އަދަދެކެވެ. އަދި މިއީ ފަސްވަނަ ޓޫރިޒަމް މާސްޓާޕްލޭނުގައި 2027 ގެ ކުރިން ވާސިލުވާން ކަނޑައަޅާފައިވާ އަމާޒުވެސްމެއެވެ.