ޣައްޒާގެ 2.2 މިލިއަން މީހުން ކާބޯތަކެތީގެ އަވަސް އެހީއަށް ބޭނުންވެފައިވާ ކަމަށް ވޯލްޑް ފުޑް ޕްރޮގްރާމް (ޑަބްލިޔުއެފްޕީ) އިން ބުނެފިއެވެ.

އަލްޖަޒީރާގައި ޑަބްލިޔުއެފްޕީ އާއި ހަވާލާދީ ބުނެފައިވަނީ ޣައްޒާ 2.3 މިލިއަނެއްހާ މީހުންނަށް ކާބޯތަކެތީގެ އެހީ ވަރަށް އަވަހަށް ބޭނުން ވެފައި ވާ ކަމަށާއި އަދި އެތަކެތި ފޯރުކޮށްދިނުމަށް ބޮޑެތި ދަތި ތަކެއް ކުރިމަތި ވެފައިވާ ކަމަށެވެ.

“މިހާރު ޣައްޒާގައި ކުރިއަށްދާ ކާބޯތަކެތީގެ ޕްރޮގްރާމް ވަނީ ހުއްޓުމަކާއި ގާތްވެވަފަ، ޑަބްލިޔުއެފްޕީ އާއި އަހަރެމެންގެ ބައިވެރިންނަށް މިވަނީ އިތުރު ތަކެއްޗަށް ބޭނުންވެފައި، ތެލާއި ގޭސް އަދި ހާލުގައި ޖެހިފައިތިބި މީހުންނަށް ގުޅޭނެ ގޮތް އެބަބޭނުންވޭ” ޔޫއެން ގެ ޑަބްލިޔުއެފްޕީ އިން ބުނެފައިވެއެވެ.

Advertisement

ޔޫއެން އިން ހާމަކޮށްފައިވާ ޣައްޒާގެ ހާލަތުގައި ވަނީ ޣައްޒާގެ ތެރޭގައި ގައިން ގަޔަށް އަރާ ބަލިތައް ހަލުވި ކަމާއި އެކު ފެތުރެމުންދާ ކަމަށާއި ނުސާފު ފެން ބޭނުންކުރުމުގެ ސަބަބުން ޖެހޭ ބަލިތައް ޣައްޒާގައި ފެތުރެމުންދާ ކަމަށެވެ.

މީގެ އިތުރުން ވަގުތީ ބޯހިޔާވަހިކަން ހޯދުމަށް ތަންތަނަށް އެކަށީގެން ނުވާ މިންވަރަށް މީހުން ޖަމާވަމުންދިއުމުގެ ސަބަބުން ބަލިތައް ފެތުރޭ މިންވަރު އަވަސްވެފައިވާ ކަމަށެވެ. އަދި އެފަދަ ވަގުތީ ހިޔާ ތަކުގައި މީހުން ގިނަވެ 700 މީހުން އެއް ފާހާނައެއް ބޭނުން ކުރަމުންދާ ކަމަށެވެ.