އިސްރާއީލުން ޣައްޒާއަށް ދެމުންދާ އުދުވާނީ ހަމަލާތައް 4 ދުވަހަށް ހުއްޓާލުމަށް ހަމާސް އާއި އިސްރާއީލާއި މެދު އެއްބަސް ވުމުން ރާއްޖެއިން މަރުހަބާ ކިޔައިފިއެވެ.

ޤަޠަރުގެ ޚާރިޖިއްޔާއިން މި އެއްބަސްވުން އިއުލާނުކުރުމާ ގުޅިގެން އެކްސްގައި ކުރެއްވި ޕޯސްޓެއް ހިއްސާ ކުރައްވަމުން ޚާރިޖީ ވަޒީރު މޫސާ ޒަމީރު ކުރެއްވި ޕޯސްޓެއްގައި ވަނީ އިންސާނީ އެހީ ފޯރުކޮށްދިނުމަށް ވަގުތީ ގޮތުން ހަމަލާތައް ބަދަލުކުރުމަށް އެއްބަސްވުމުން އެކަމަށް ދިވެހިރާއްޖެއިން މަރުހަބާ ކިޔާ ކަމަށް ވިދާޅުވެފައެވެ. 

"ގަތަރުން މެދުވެރިއަކަށް ހުރެ، އެހެން ޤައުމުތަކުންވެސް ގުޅިގެން، މި ދަތި ދަނޑިވަޅުގައި، ކުރަމުންދާ މަސައްކަތްތަކަށް ތަޢުރީފުކުރަން." ޒަމީރު ވިދާޅުވިއެވެ.

Advertisement

ހަމަމިއާއިއެކު ހަނގުރާމަ މުޅިން ހުއްޓާލުމަށް ރާއްޖެއިން އިން ތަކުރާރުކޮށް ގޮވާލާކަމަށް މިނިސްޓަރ ގެ ޓްވީޓްގައި ވެއެވެ.

ގަތަރުން އިސްވެ ހުރެ ކުރިއަށް ގެންދިޔަ މި މަޝްވަރާ ބައްދަލުވުން ތަކުގައި މިސްރާއި އެމެރިކާގެ އިތުރުން ޔަހޫދީ އިސްޒްރޭލާއި ހަމާސް އިން ވަނީ ބައިވެރި ވެފައެވެ.

މި އެއްބަސްވުމުގެ ދަށުން އިސްރާއީލުން ވަނީ ގާޒާގައި ކުރަމުންދާ ހަނގުރާމަ ހަތަރު ދުވަހަށް ހުއްޓާލުމަށާއި ބަންދުކޮށްފައި ތިބި 50 އަސީރުން މިނިވަން ކުރުމަށް އެއްބަސްވެފައެވެ.

އަދި އިސްރާއީލުގެ ޖަލުތަކުގައި ބަންދުކޮށްފައި ތިބި ފަލަސްތީނުގެ 150 އަންހެނުންނާއި ކުޑަކުދިން މިނިވަން ކުރަން ވަނީ ނިންމާފަ އެވެ.

މި 24 ގަޑިއިރުގެ އިތުރުން ކުރިއަށް އޮތް 4 ދުވަހަށް ފަލަސްތީނަށް އެހީ ވެއްދޭނެ ކަމަށް ގަތަރުން ވަނީ ބުނެފައެވެ. އަދި ގަތަރުން ވަނީ ގަތަރުގެ ސިފައިންން ވަނީ ދެ  މިލިޓަރީ މަތިންދާބޯޓު މިއަދު ވަނީ ކާބޯތަކެއްޗާއި ބޯހިޔާވަހިކަމުގެ ސާމާނުން އެކުލެވޭ 93 ޓަނުގެ އެހީ ހިފައިގެން މިސްރުގެ އަލް އަރީޝް ސިޓީއަށް ދަތުރުކޮށްފައެވެ. ގަތަރު ފަންޑް ފޯ ޑިވެލޮޕްމަންޓް ، ގަތަރު ރެޑް ކްރެސެންޓް ސޮސައިޓީ ، އަދި ގަތަރު ޗެރިޓީ އިން ޣައްޒާއަށް ގެންދިއުމަށް ހަމަޖެހިފައިވާ  ޖުމްލަ 492 ޓަނުގެ އެހީ އުފުލާ 13 މަތިންދާބޯޓު ދަނީ ތައްޔާރުކުރަމުންނެވެ.

4 ދުވަހަށް ހަނގުރާމަ މެދުކަނޑާލަން އެއްބަސްވި ނަމަވެސް މިއީ ހަނގުރާމަ ހުއްޓައިލުން ނޫން ކަމަށާއި، ހަނގުރާމަ މެދުކަނޑައިލީ ކަމަށް އިސްރާއީލުގެ ބޮޑު ވަޒީރު ބެންޖަމިން ނަތަންޔާހޫ ވަނީ ބުނެފައެވެ.