ރައީސް ޑރ. މުހައްމަދު މުއިއްޒު ޕޮލިސް ބޯޑަށް ބައެއް މެމްބަރުން އައްޔަނުކުރައްވައިފިއެވެ. މި މެމްބަރުން ޕޮލިސް ބޯޑަށް އައްޔަނު ކުރެއްވީ އެބޯޑުގައި ކުރިން ތިއްބެވި ބައެއް މެމްބަރުން ބޯޑުން ވަކިކުރުމަށް ފަހުއެވެ.
ބޯޑަށް އަލަށް ގެނެވުނު ބަދަލު ތަކާއި އެކު ބޯޑު ގައި ތިއްބަވާނީ 7 މެމްބަރުންނެވެ. މިގޮތުން ރައީސުލްޖުމްހޫރިއްޔާ އައްޔަނު ކުރައްވާފައިވާ ދެ މެމްބަރުންގެ ގޮތުގައި ބޯޑުގައި ތިއްބަވާނީ؛
ގުލްފާމްގެ، ތ.ހިރިލަންދޫ، އަޙްމަދު ޝަރީފާއި
ހ.ނޫމުތީ ޢާއިޝަތު ނޫރާ މުޙައްމަދު.
މި ދެބޭފުޅުންގެ އިތުރުން ދެން މިބޯޑުގައި ތިއްބަވާނީ ފަންނީ ދާއިރާއަކުން ތަޢުލީމާއި ތަޖުރިބާ ލިބިފައިވާ ތިން މެންބަރުން ކަމުގައިވާ؛
ދަފްތަރު. ނަމްބަރ ރސ 535، އަލްއުސްތާޛު ޢަލީ ނަޞީރު ޤާސިމް
ބަގީޗާގެ، ސ.މަރަދޫފޭދޫ ،އަޙްމަދު އަޒީމް
އަލިމަސްގެ، ހއ.ހޯރަފުށި، އަޙްމަދު ސަޢުދީ
މީގެ އިތުރުން ޢާންމުކޮށް ހުޅުވާލައިގެން ޢާންމު ރައްޔިތުންގެ ތެރެއިން، ކުރިމަތިލާ މެންބަރުން ގެ ތެރޭގައި ހިމެނިވަޑައިގަންނަވަނީ؛
ހ.ޝޭޑީކޯނަރ ޙާމިދު ޢަބްދުލްޣަފޫރު
ދެތަނޑިމާގެ، ސ.ހުޅުދޫ، އަލްއުސްތާޛާ ޞަފާ ޝަރީފް
މި ބޯޑަކީ ދިވެހި ފުލުހުންގެ ހިދުމަތުގެ ގާނޫނު ގެ 75 ވަނަ މާއްދާގެ (ހ) ގެ ދަށުން އުފައްދާފައިވާ ބޯޑެކެވެ.
Advertisement
This content is created and paid for by advertisers and does not involve Voice Journalists
